RŌMA INLĀHEN NGAM LĪPÖRE
INLĀHEN NGAM LĪPÖRE
Chöö-öiny tö inlēnkö el talöökö ngam kuilōn Pôl nö chöhkö ngam Māṅ i Rōm an ngam līpöre yik aṅ Rōmā nö kūichö. Pò ngam lōn ò nö hòṅ la-evṙen nö i hôi yip Kristīön umuh nöng rahëichtaṙen, ngaich i hinòlṙen re tö cha, nö kū-ö tö Ispēn. Kūich anga-aṅ nö vënyö mikah elmat re töm ṙinātö ellōn ing Kristīön ngaich nup tö hòṅ kēkaṙen la-en im nômö tö vēḵ Kristīön. Ṙòkhöre nö ṙô mikahlōn Pôl nup i mat ngam līpöre.
Unôichrit ṙô ò nö ha-öiny yik tömaṙôngö tarik ngam Māṅ mi-i Rōm ngaich ve-eny nang cha tö re nö vë-elkui cha, vënyö chö-öiny ṙô ngam līpöre inrē ang Pôl: “Tö ngam tölöök Inhānga nö mahameukhö mat hī töm Tēv nö halööktit ngòh tarik nö in re: nö lökten im mikah nö löktö kūö ik raneh söl mana-aṅ” (1.17).
Ṙūöh nyô re ang Pôl nö in e: Tö taṙòkhöre tarik, tö pòrò nö Yahūti hēk yip tahëng mihëṅṙö, nö hòṅ halööklöngö nö im Tēv, pò hī ṙòkhöre eltī ngam tötlöök. Ngaich Inlööktuvö tarik nö im Tēv nö lökten in Yēsū Kristū. Hēk ang Pôl nö vënyö ngam tinfömlö ngam nômö nö im manūlhöt in Kristū nö ṙòng ngam tufömngöre tanaptöre hī im Tēv. Ngaich yip ṙamātölōn re nö kumchīkuṙen nö im Tēv ngaich ṙinānyuvö nö lök ten im Töhet Fanöinylö ngam Tēv nö ṙa-ang eltī ngam tötlöök töm kinpāha inrē. In minë tö 5-8 mirūlö ang Pôl nö kakkö chööḵnyö minë chöngö ngam Tēv töm kumlēk ngam Töhet Fanöinylö ngam Tēv nö in ngòh ṙamatölōn re. Milichngen ṙô hēk ngam tanīnöṙô nö sap minë falngen i vēḵ Yahūti tö yip tahëng mihënṙö tarik nö im taneungten cha nö i linöökö nup lōn ngam Tēv nö chöö-öiny tö taṙòkhöre tarik. Ma-angrit ṙôre anga-aṅ tö kūö ngam Sinô-en Yēsū tö yik Yahūti nöng kūö nup kuilōn ngam Tēv pòn hòṅ tūök tö taṙòkhöre tarik nö teūnghöt nö im inkôlò aṅ im Tēv in Yēsū Kristū, ngaich ṙinātu ellōn anga-aṅ tö yip Yahūti min nö öthō nöng örheūheu nö sō-en Yēsū. Mā-ngötī re ang Pôl nö kūich minë töhòṅ tinrīkngen ngòh kristīön, i alaha ngam hanāngenlōn tö höö. Kē-ĕ u anga-aṅ nö chöö-öiny tö linöökö la-en ngam Tēv, ngam la-en vēḵ Kristīön nö im panam, in höö inrē, töm mikahkūö tö tölöök tö chōich inrē kanah ngen ṙô ò nup muh nö ṙò-òvö im manā-angrit ngam līpöre holre tö minë ṙô ò nö ha-öiny ngam Tēv.
Nëṅ i mat e:
Vinë-eny Inlāhen tö ngam chööḵnyö 1.1-17
Töhòṅ Hayöökaṙen ön ngòh tarik 1.18—3.20
Talöökö tī ngam Tēv nö Hayööken 3.21—4.25
Tinfömlö in Kristū 5.1—8.39
Israel nö a sā lōn ngam Tēv 9.1—11.36
Tinrīken ngòh Kristīön 12.1—15.13
Manā-angrit ṙô tö ngam Nöinyö 15.14—16.27
Currently Selected:
RŌMA INLĀHEN NGAM LĪPÖRE: CANIBSI
Highlight
Share
Copy
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.