Ranehlö 10
10
Mikūönö Kūön Nō-a
(1 Kinṙöt 1.5-23)
1Vē yin tumkölchap yik kikōnyö kūön Nō-a, Sem, Hem Yāfet inrē: ngaich fötnyu kūön chā-a tö nyīö kikōnyö unôichrit ök ṙanöingö.
2Nyīö kikōnyö kūön Yāfet; Kòmör, Makòk, Matai, Yavan, Tupòl, Mēsek, Tiras inrē. 3Nyīö kikōnyö kūön Kòmör, Askēnas, Rifat, Tokarmā inrē. 4Nyīö kikōnyö kūön Yavan; Ilaisa, Tarsis, Kittim, Tōtanim inrē. 5Achā-a yin tö minë kun panam mumā-aṅ tarik, harēvöre nö i minë panam cha; kö i litākre nö hĕng, kö i mupīhö cha, nö i mumā-aṅ cha nö tarik.
6Nyīö kikōnyö kūön Hem; Kus, Aikup, Pöt, Kanā-an inrē.
7Nyīö kikōnyö kūön Kus; Sīpa, Havīla, Sapta, Rē-amā, Saptikā inrē: nyīö kikōnyö kūön Rē-amā; Sipā, Tētān inrē. 8Hakūönten Nimrōt ang Kus, kēḵtöre angā-aṅ nö tökalēk nö im tumlat. 9Tökalēḵ anga-aṅ nö mahacheūḵ nö ikūö ngam Mā Tēv: lökten e nö ngöh ineūka, Sā Nimrōt nö tökalēḵ nö mahacheūḵ nö ikuö ngam Mā Tēv. 10Pēpöl ök raneh nö pūlngö ò, Ērek, Akat, Kalneh inrē i panam Sīnā. 11Ṙā-ang e angū-ö panam angā-aṅ nö chuh Asirīa, ngaich vīlen Ninevē, Rehopòtir, Kala inrē. 12Risen ihôi Ninevē tö Kala, (angū-ö ön tökiröng elpanam). 13Hakūönten Lutim Misrēm, Anamim, Lēhapim, Naftuhim inrē. 14Patrusim, Kasluhim, (ngam ṙeūngö yip Filistain), Kaftorim inrē.
15Hakūönten Sitōn Kanā-an ök lanòh ò, Het inrē; 16Aṅ Yēpus, aṅ Amôr, aṅ Kirkēsa inrē; 17Aṅ Hīva, aṅ Arkā, aṅ Sin inrē; 18Aṅ Arvet, aṅ Simar, aṅ Hamat inrē: ngaich unôich yik aṅ i mupīhö Kanā-an nö pirātngöre. 19Löktökūö Sitōn ngam kūöngö aṅ Kanā-an, yē meh öm kū-ötö Kērör kiröönngöre, söl Kāsā; yē meh kū-ö Sòtöm, Karôrā, Atmā, Sepōim inrē, söl Lāsa. 20Vē yin nyīö kikōnyö kūön Hem, kö i mupīhö cha, kö i litāk cha, i panam cha, i mumā-aṅ tarik cha.
21In Sem inrē, ök kikōnyö yöng yik kūön Ēpar nö ṙòkhöre, ök maṙöinylö mëm Yāfet, kayôḵnyuvö inrē yik kūön ò. 22Nyīö kikōnyö kūön Sem, Ēlam, Assör, Arpaksāt, Lut, Arām inrē. 23Nyīö kikōnyö kūön Arām; Us, Hul, Kētör, Mas inrē. 24Yöng Sēlā ang Arpaksāt; kūönu Sēlā tö Ēpar. 25Nëttak kūön ang Ēpār tö nyīö kikōnyö, Pēlek minënyi ök hĕng tak; pòn hē sakāmö ò ngam tumlat nö michööḵö; Yòktan inrē minënyö ök kahëm ò. 26Hakūönten Almòtat ang Yòktan, Sēlaf, Hasarmavet, Yēra inrē; 27Hatōram, Yusal, Tikla inrē; 28Ōpal, Apima-el, Sipā inrē; 29Ōfir Havīla, Yōpap inrē: ṙòkhöre yin vē nö kikōnyö kūön Yòktan. 30Löktökūö Mēsa ök elyöngö cha, yē meh kū-ö Sāfar kiröönngöre, ap rôngö lā chuhöt. 31Chā-a vē kūön Sem kikōnyö, kö i mupīhö cha, kö i litāk cha, i nup panam cha, kö i mumā-aṅ tarik cha.
32Achā-a yin aṅ patī yik kikōnyö kūön Nō-a kö i michāpöre, i mumā-aṅ cha nö tarik: lökngörit in cha vē mumā-aṅ tarik ing tumlat nö harēvö unôich tök ṙanöingö.
Currently Selected:
Ranehlö 10: CANIBSI
Highlight
Share
Copy
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
