Mumkahten 11
11
Asuh Nup La-en Ngòh Tö Akāha Tarik
1Kavalngö nyā-aṅkūö re man el minë mak, tön kôtökūö man min tö e unôichrit töṙōl sumkam.
2Kētö minchööḵö i tö sat, hēk i tö hëvhöre, tön öt akahalōn man töp yô-òv tötlöök min el tumlat.
3Yē minë taṙul nö tööḵlö tö kumṙah, chahūköti anū-ö nö el tumlat; yē öp chōn nö fuk lā lòhngö hēk lā kapā, ip chūökre min öp chōn töfukngö in e nö hulalhaka.
4Anga-aṅ ngòh ngamëichngö kuföt öt teūich min, anga-aṅ inrē ngòh mameuk taṙul öt uvòh min.
5Sā meh öt akahalōn töp ma-alaha nö yih i nup tangëḵ el chūök kanūönö öp kikānö tö kūönu ngatī me-eṅ öt akahalōn tö la-en ngam Tēv vamī tö keuheūttöre.
6Lā peuheū man teūichtö nup kulöl re, lā harap inrē um ṙā-ang tīre; tön öt akahalōn man töp tö kô-òl min, ngòh hēk ngô-a, hēk, yĕn hĕngren nyöre nö tölöök min.
7Tövāi an ngam hanātö, kumchik elmat inrē nginëchkö ngam tavūöi.
8Pò ngòh tarik yĕn ṙōl samyeūheu nö aṅ, hökngen ò nö ṙāmölōn nö in u; hökngen ò pöri nö köpölōn tö nup sakāmö sinngūlö nö pōyen min. Ṙòkhöre nup yamih nöng chanök alaha.
Inlēnö Tö Ayal Tarik
9Ṙāmölōn Ō ṙālö tarik im inyālö meh, hökngen ap ellōn meh inrē nö ahôlen meh i nuk sakāmö inyālö meh; lök el talöökö lōn re man i mineūkö tö ngam elmat meh inrē, Akahalōn pöri tö u anū-ö nö ṙòkhöre ngam Tēv min nö kēten meh nö im kinṙôka.
10Kēngö kanihten nö ṙā-ang ellōn meh, ṙāngö chanökö inrē ṙā-ang i alaha meh; pò inyālö ranehlö nômö inrē nöng chanök alaha.
Currently Selected:
Mumkahten 11: CANIBSI
Highlight
Share
Copy
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
