ESTHER 2
2
Esther Nokpao Tsammongnyiu Tsalouji
1Phikü, nokpao amongmat sang- lüshikütünai, apaüh Vashtiüh chhitsün naiuso nung nyiuhai thako ngiokhem shantsün thaiutha yang- hekü noiküla. 2Nungtiphe nokpao ün ayamhantsünso sauhai apako nge-ekü noin apa hau nung ayam hankü ngiom, “Asangting alengmei menyiuthso ajantso ni tiau tsü- yamsan? 3Ni anokshing khiamkhan pungkü nai asonghoi chosanküta aleng amei menyiuthso nouso noknio ateng Susa nai nialokü shiküta atsamai ataiu. Menyiuthso nouso athsülem khaiunia Hegai apaotsang khemko lütaiu, küta ngüso hau apaotsang thatü meikü lükiu. 4Nungai ni ameiting thapsantsün menyiuthso nialoküta apa Vashti thangko tsammongnyiu au lüthe.”
Nokpao nou nung ayamhan amei tsak noin ta yangküta apaüh nungli chhin. 5Nung Susa nai Yihudahai tsak Jair thso Mordekai ta niankü noiküla, apa Benjamin kau ainou Kish si Shimei ne thsaosithsoso ong- ko tsak noiküla. 6Tilai Babilonhai Nokpao Nebukadnezarüh Yihudahai Nokpao Jehoiachin sua nousoko hakü Yirusalem ainou thaloukü khu, nung ongko Mordekai lüko hakü noiküla. 7Apaüh apa po ehen nou thso menyiuthso Esther, Ibrihai nian nai Hadasa, apa meso naiuso shisileng amei tsak noiküla, apa posinyiu eankü, Mordekaiüh meshen thsotengli thashesankü noiküla.
8Tilai nokpao nou apa ngiopung ayan kiushin nungai Susa nai menyiuthso piakü nialokü shin, nung ongko Esther lüko tsak noiküla. Apa lüko menyiuthsohoi tsamai Hegai apaotsang khemko nokpao tsamai taiuha. 9Hegaiüh Esther meikü epsan naiuso Estherüh apa atsüo- jinyang ep. Hegaiüh shakta Esther hau alengmei i-au pem nai tsomkiu naiuso eheshiu mothikü kiukü tsad. Apaüh Esther hau menyiuhai tsamko anoithang ameiting nou kiu naiuso apa yathsüoau nokpao tsam ainou menyiuthso chinyat mothikü chosanküta thoilutkü taiukiu.
10Lo Mordekai alotsüo tsangkü, Estherüh apa Yihudahai tsak ta mongai nyankü wanan. 11Apa titi thehaji naiuso apatü ti thawaoau noin nungtü nyankü thapkü Mor- dekai ajekhaiu pungkü menyiuhoi tsam pemongai akhu ashi ta saikeikü noiküla.
12Shisileng mei-iau pon tsak tsomkiutsün nung-laoshang khaiu- tsom nou pem nai tsomtsün alei luok naiuso amao balsam khaiutsom nou alei luok tsomkiukü noiküla. Nung- phiai menyiuthso pungkü Nokpao Ahasurus dongai tsakjam tsakjam ta nialokü shikü noiküla. 13Tilai apa menyiuthsohoi tsam ainou nokpao tsamai khuji, apa tilüsong shitho mongchioji nung tholokü noiküla. 14Menyiuthso nou nungai asham khuküta nungthan nyap amao menyiuhoi tsam sübao nokpao nyiu-ib hoi taiutsünai Shaashgaz apaotsang khemko taiukiu. Nokpao nou nung menyiuthso athapau aiukü apa nian tsangsheikü tsüjonkün lektsoto apa nokpao dongai müjam tsükhukü noiküla.
15Esther thaiutha nokpao dongai khuau atao shisaom. Esther nung Abihail thso menyiuthso naiuso apa Mordekai po ehen nou thso, sauüh apa thso tsakli thashekü noiküla, Esther nung khaiunia pungkü nioko meikü atsüojin sunkü epsankü noiküla. Tilai nokpao khako shiau apa thaiu shingoin, apaüh athsülem khaiunia Hegaiüh apatü lotsüotsünli shitho nou tholokü noiküla. 16Nungtiphe Ahasurus nokpao thetsün pon chinyat, Tebet alei che nouko nai Esther nung Nokpao Aha- surus tsamai nialokü shin. 17Nokpao nou amao menyiuthso chikü khaiuko apa mongchio, naiuso amao menyiu- thso chikü khaiuko apaüh nokpao ün atsüojinyang naiuso atsüojin shiolokü noiküla. Nokpao nou ajinka kandeo Esther khaiuai keilut küta Vashti liko apa menyiu au shan. 18Nungai Esther asuhat nianko asonghoi naiuso nokpao nokshinghoi chikü tü nyungkü sümai asong tsak kiukü noiküla. Apaüh apa nokshing apemai ajekhaiu tsak chhisiya ainou ahlo-au velutküta nokpao tsaküh taiutsün likü paopei nouso sunkiu.
Mordekaiüh Nokpao Aa Kipsanji
19Nungtaoko Nokpao nou Morde- kai nung nokpao nokshing noikham nai thiokü noiküla. 20Nungtao saokü Estherüh, apa Yihudahai tsak ta tsünge-ikü noiküla. Mordekaiüh apa- tü sauhau lachite ta ngiom, nungti apa methso taoko apa apaotsang khemko ngio angtsünli, Estherüh Mordekai ngio angkü noiküla.
21Mordekai nokpao tsamai asong noikham nai noitsün taonai, nokpao tsampai ai naptsün bekhan jimtsün athsülem khaiunia nime Bigthana si Teresh neüh Nokpao Ahasurus loatkü wanau akausai chhisiya shan. 22Mordekaiüh nung ngelaküta Nokpao tsammongnyiu Esther hau chiten, loüh nung Mordekaiüh yamsantsün akausai mongthat nou nokpao hau chiten. 23Nung thaiutha kauthakü yam, naiuso nung ngiongem atsüo ta epsan, nungtiphe nung khaiunia nime nemtso paitsak da phankü singatkü wan. Nokpao nou nung thaiutha nokshing nouko atengchhi thsam nai satkü taiuau ngiokhem kium.
Currently Selected:
ESTHER 2: KHIABSI
Highlight
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.