ZEKARIA 6
6
Mokthso Tsamkei Püle Atsangshei
1Ngü amao atsangshei tsak epshin. Nungtaoko nai daoson king nime jet ainou mokthso tsamkei püle sungtsün ngü ep. 2Nung chongting tsamkei nou mokthso aseng nousoüh tenkü, naiuso müjam nou mokthso anyaching nousoüh tenkü, 3süme nou mokthso athaiu nousoüh tenkü, naiuso püle nou alengsat pokü noitsün mokthso nousoüh tenkü noiküla. 4Nungaih ngü hong tü sangkü ngiom, “Apaou, nung mokthso tsamkei nouso ti athat noin?”
5Apaüh thalakü ngiom, “Nungso ahsheih püle nouso noin; nungso goumchi apem khaiuko Apaou noitsün ainou loting shikü noin.”
6Mokthso anyaching nousoüh tenkeitsün tsamkei nou Babilon ajepekki nai khu, mokthso athaiu nou tenkeitsün tsamkei nouso ajenap nai, naiuso alengsat pokü noitsün mokthso nousoüh tenkeitsün ehli tsamkei nouso ajepekki shingkhan- nio nouso dongai khukü noiküla. 7Alengsat potsün mokthso nouso sungkhunai, ngüso goumchi tü sailu au sangkü noiau tsüshiokü tsakei. Hong nou ngiom, “Khukü goumchi thapekkü lüsailu!”- nai ngüsoüh nungh sailu. 8Nungaih hong nou ngü wekü ngiom, “Ajenapki Babilon ai khutsün mokthso nousoüh Apaou amongmat lotsamiu.”
Yihuda Hau Kandio Kei-iau Thoilut
9 Apaou nou ngü hau nung ngiongem kiukü, 10Apaüh ngiom, “Thaloukü khuwantsün ainou laokü yashitsün Heldai, Tobija, naiuso Jedaia soüh kiutsün paopei nouso lülou, küta Zephania thso nou Josia tsamai liuliukü lükhu. Nung khaiunia nouso chikü Babilon akho- thiotsün ainou laokü yashitsünso jije noin. 11Ngüsoüh kiutsün tangkason naiuso chaiou lakkeng paopei nousoüh kandio tsak lüshan, küta Jehozadak thso Yihusua, Akhengting meson khaiu nai lükeilut. 12Apaou Akongting nou ngioji ta apa hau lüchite: ‘Khaiunia Tsak sau tü Asun ta Jonji apa meshen noitsün ko samsane, naiuso apaüh Apaou ün Amkham Tsam lahshi-e, 13naiuso nokpao tsaküh epau noitsün asuhat maikü eppe, naiuso apaüh meshen khaiunia chiai nokshing shinge. Apa nokpao noikham dongko meson tsak tsa-e, nungko ngüso aikü aaloukü ajeiai nai chhisiya-e.’ 14Apaou Amkham Tsam nai Heldai, Tobija, Jedaia, naiuso Josia so asuhat kiukü ayangshiau tsak nung kandio nou noi-e.”
15Laiukü nai noitsün khaiuniahoi nouso shikü Apaou ün Amkham Tsam lahshitsün ko halou-e. Tilai nung lahkheme, nungaih asam dongai Apaou Akongting nou Ngü hongkü noin ta asamüh nge-e. Asamüh Apaou asam Goa athoilut nouso apem ang naito nung apem thawao-e.
Currently Selected:
ZEKARIA 6: KHIABSI
Highlight
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.
