ESTHER 8
8
Yihudahai Tü Phaosanshiau Ngiom
1Nung ajekhaiukolu Nokpao Ahasurusüh Esther hau Yihudahai eh Haman jengtsaiu chikü kiuwan. Estherüh Mordekai si ngüne shimekü noitsün nung nokpao hau chiten, naiuso nungko yaküto Mordekai nung nokpao khako shiau shiokü iula. 2Nokpao nou apa ii thanglutkü taiutsün khiaptso (sübao apaüh Haman ainou laokü loshin) nung Mordekai hau kiuwan. Estherüh Mordekai nung Haman jengtsaiu khako paotsangau taiukiu. 3Nungai Esther loühjam nokpao ko chite, apa khako kaukü shapkü ngiom, Agag thsaosithso Hamanüh akausai mongthat Yihudahai thako chhitsün lolaoau tso tsak achhikiu ta kojakü noiküla. 4Nokpao nou chaiou lakkeng pailai Esther hau kium, nungai apa tsakü chuküta ngiom, 5“Nokpao mongchio naito, naiuso ni jü thaiutha paotsangji tünaito, naiuso nung meita epsan naito, tsüojinyangkü Hamanüh ngiokhem hongpengtaiu nou lolaoau ngiokhem tsak akiu-nung Agag thsaosithso nou Hammedatha thsoüh a-nokshing mongko Yihudahai chikü lomoau khemtaiutsün thaiutha lolaoau noin. 6Nung aküothe jü khaiuniaso khako shikü naiuso jü tsammongso loat- küwan naito ngo nung titi jeilo-e?”
7Nokpao Ahasurusüh apa tsam- mongnyiu Esther naiuso Yihudahai nou Mordekai netü ngiom, “Athaplu, ngo Haman Yihudahai thako akaosai chhisiya chhitsün shioko phanatkü wan, naiuso ngo apa jengtsaiu Esther hau kiuwaniu. 8Lüko ngiokhem sübao nokpao nianko ii thanglutkü kiupenganiu nung alaoloshiau tsüshio-e. Nungti lüko ni Yihudahai hau ni mongchiotsün tilüsong noin; nung ni jünianko satküta nung tü nokpao ii nou thanglut au shio-e.”
9Nung alei süme Sivan lei nouko ajekhaiu kheikü süme nouko nai tha- waokü noiküla. Mordekaiüh nokpao ün asat nouso jonküta Yihudahai hau, nokshingpaou nouso hau, nokshing nouso hau, naiuso asonghoi nouso chikü khiamkhan 127 India ainou Sudan saokü nouso hau apaüh ngiokü thsam sat-i. Nung thsamsat nouso khiamkhan pungkü nai momo ngio ai saisile titi satji nungti ngüso ngio nai satkü kiupeng. 10Morde- kaiüh Nokpao Ahasurus nianko thsamsat nouso sat, naiuso apaüh nungsotü nokpao ii thanglutkü noi- küla. Nungso nokpao nou mokthso akhaolaoting nou chiai moknoikü nung thsamsat nouso hongpeng.
11Nung thsamsat nousoko noknio pungkü nai Yihudahai ngüso chija ehü khemlokü noiau nokpao nou kiutsün satkü noiküla. Melemao süpai ajantsoüh khiamkhan ajantso nai Yihudahai tü pha ponai, Yihudahai melo methso menyiuhoi nou laokü shikü ngüsotü kom- tsünsoko li-e, ngüso tsaktso tsüpoikü loatküta ngüso jengtsaiu yanlo-e. 12Nung ngiokhem Adar alei chekü nime nou da ajekhaiu chekü süme nouko Persiahai nokshingko Yihu- dahai chaoatau ajekhaiu thatkiu- taiutsün ko yalokü chhiau noiküla. 13Nung khiamkhan pungkü nai khaiunia pungkü hau nge-ikü ngio- khem tsaklilu ngiopengau, tiautenai tilai nung ajekhaiu shisao-e, Yihudahaiüh ngüso hoita thamshiau khemlokü noiau noiküla. 14Nokpao nou ngiotsün tsangkü khaiuniahoi nouso nokpao mokthso chiai moknoikü thatü khaolaokü jingkü khu. Nung ngiokhem Susa noknio ateng nai lüko nyung khako velut.
15Mordekaiüh nokpao phakhut asangnya si athaiu, amatchai amei ne phakhut laiukü nou, naiuso chaiou lakkeng kandeo amei tholo- küta nokpao tsam wankü khu. Nungai Susa sonyam nai amongling nianlom naiuso sang asong nou vekü noiküla. 16Nungaih Yihudahai thaiutha amongling, aalo, amongtsam naiuso ashiolo eptsün tsak noiküla. 17Noknio pungkü nai naiuso khiamkhan pungkü nai, tilüsongai nung nokpao ngiopong nouso velutkü noiküla, Yihudahai amongling nou mongtsamkü sümai saohe naiuso chhisiya nai aalo epkü noiküla. Nungaih khaiunia piakü Yihudahai au iula, tiautenai loto ngüso Yihudahaiko hatkü iulakü noiküla.
Currently Selected:
ESTHER 8: KHIABSI
Highlight
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.
