Matye Lentrodiksyon
Lentrodiksyon
Levanzil dapre Matye i rakont Bonn Nouvel ki Zezi i sa Sover ki'n ganny promet, e ki Bondye in anvoye pour realiz son bann promes ki i ti fer avek son pep. Sa Bonn Nouvel i pa zis pour pep Zwif kot Zezi in ne e viv, me pour lemonn antye.
Levanzil Matye i byen organize. Parey Levanzil Mark, i prezant:
Mesaz Zanbatis (3.1-12)
Batenm ek tantasyon Zezi (3.13—4.11)
Bann aktivite Zezi dan Galile kot i ti anons Bonn Nouvel, ansenny lafoul e geri bann malad (4.12—18.35)
Vwayaz ver Zerizalenm (19.1—20.34) kot Zezi i reste pour en pti moman. Nou kapab swiv son kondannasyon, son lanmor, son rezireksyon ek son bann laparisyon ki'n deroul dan zis en semenn (21.1—28.20).
Matye i konsakre en long prolog (Sapit 1–2) lo lorizin Zezi, son nesans ek son lanfans. I montre Zezi koman lerwa Sover, Emanouel, savedir Bondye avek nou, sa enn ki realiz sa ki Bondye in promet dan Ansyen Testaman.
Matye i regroup bann lansennyman Zezi-Kri dan en fason partikilye dan senk gran diskour:
1. Sermon lo montanny (5.1—7.29), kot i dekri vre fidelite e ki mannyer bann nouvo sitwayen Rwayonm lesyel i devre viv.
2. Bann direktiv pour bann ki anons larive sa Rwayonm (10.1-42).
3. Mister Rwayonm i ganny prezante dan set parabol (Sapit 13).
4. Konman fodre viv ant frer (18.1-29).
5. Fason pour esper laviktwar final dan sa Rwayonm (24.1—25.41).
Dan Levanzil Matye, Zezi i aparet koman sa enn ki vin fer linogirasyon sa nouvo monn e donn bann dimoun ki antre, lansennyman ki zot bezwen pour zot vin en temwen pour lezot.
Currently Selected:
Matye Lentrodiksyon: BSK
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.