Psonm 23
23
Mon Berze
Psonm David.
1SENYER i mon berze.
Mon pa pou mank nanryen.
2I fer mwan repoz dan laplenn zerb ver.
I anmenn mwan ver delo trankil.
3I redonn mwan lavi;
i gid mwan lo bon semen
pour loner son non.
4Menm si mon mars dan vale sonm lanmor,
mon pa per okenn danze,
akoz ou avek mwan.
Ou protez mwan;
ou baton berze i donn mwan konfyans.
5Ou dres en latab devan mwan
an fas mon bann lennmi.
Ou vers delwil parfimen lo mon latet;
mon lakoup i deborde.
6Ou bonte ek ou zenerozite i akonpanny mwan
tou le zour mon lavi.
Mon pou reste dan tanp SENYER
tou dilon mon lavi.
Currently Selected:
Psonm 23: BSK
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
