MATHIU 4

Jisu Hungtôan

(Mak 1.12,13; Luk 4.1-13)

1Erediko Juma Jisu lindong lakdong nâng juchhihma hungtôanrãng sietchhoan wah. 2Ngih roakbelii pen roakbelii lephhek lechhah thangma tôngdiko Jisu rêmritwah. 3Ephumma Jisu tânâng juchhih pa hûlahma ngatwah, “Nanga Joban Chha medang oko, are longheh nâng phhekchhah rãng litjârãng chien o.”

4Phumma Jisu ma dânthâng wah, “Joban nyapraangma aroh ngaeka, ‘Mihnyan pa phhekchhah junma lolo hîn dangmah, Joban thunwah chentô loatjab eka jabkhab heh junmaba hineki.’ ”

5Erediko juchhihma Jisu Asâthôan Hahdaang, Jeroselem hahko sietkat lahma, Rangsoamhum khokowah achoang thôanko sietwênwah, 6ngale Atenâng ngatwah, “Nanga Joban Chha medang oko, nangdede arekowah jârii katan, chenrãngma ngako Joban nyapraangma ngaeka,

‘Joban ma ate ngintatte hehnâng nangrãngma echien a;

thindekma nang etãnglo wak ho,

Ephumma nangda min longko lebuhrii thangma edango.’ ”

7Jisu ma dânthâng wah, “Rohkomin Joban nyapraangma arohmin ngaeka, ‘Teso nang Joban nâng hung nektoan.’ ”

8Erediko juchhihma Jisu nyahrãng hahkongchoang khonâng sietwên lahma hahtokkhoh wah hahsông hahdaang asen chentôpa Atenâng khesokwah. 9Juchhih ma ngatwah, “Nangma nganâng dakuhtho lohma rangmesoam hangko,” “are chentôpa ngama nangnâng koh e.”

10Eko Jisu ma dânthâng wah, “joak, chhoan o!, Joban nyapraangma ngaeka, ‘Nang Joban Teso nâng soam o, ngale atelolo soangraango!’ ”

11Ephumma juchhih ma Jisu thînphêwah; ngale Joban ngintatte kalahma Jisu nâng chohsok katwah.

Jisu ma Ate Moatlem Galili nâng Bengmoat

(Mak 1.14,15; Luk 4.14,15)

12Chenthu Jisu ma Jon phâtek nâng loatsekpa tatphumma, ate Galili nâng katwah. 13Ate Nazarat nâng letong thangma, Jubulon ngale Napthali jaawah Galili josi kahwah Kaparnam hahnâng sôngkatwah. 14Arepa Mõng Isaia ma jabtah nginpa toangtang dângkat rãngma hôanwah:

15“Jubulon ngale Napthali jaa,

josi nâng katlem kêmko, jordanjo ranka nâng,

Galili, Jews ledangte heh hah!

16Rangnyek khennâng sôngte mihnyan hehma nyahrãng wenphiak dong echohkhe wak a.

Arit amahthin rangnyek hahnâng sôngte mihnyan heh khohnâng wenma ephiakkat a.”

17Ere sanpoat pumma Jisu ma Joban nginkong bengphoang thôwah: “Ne papwah hunglit en, chenrãngma ngako rangkhethung Hahsông pa lânam hûtha!”

Jisu ma Ngahloatte Wabelii Roo

(Mak 1.16-20; Luk 5.1-11)

18Jisu Galili josikem jêngjêngma khoampoatko, Atema ngahloatte pho anaa wanii khewah, Simon piter ngale ate naa Andru, josiko chaakma ngahhat dângwah. 19Jisu ma thinnâng ngatwah, “Ngadijun ha, ngama mihnyan loatrãng hethôa.” 20Lemlienma thinchaak pa thinphe lahma Jisu dijun wakwah.

21Noangthe wângko pho anaa wanii, Jems ngale Jon, Jibidi chha wîenkhe wah. Thin a khôankhoko thinwa demko chaak senphin lahma dângwah. Eko Jisu ma thinnâng roowah, 22Lemlienma khôankho ngale thinwa phethien lahma Jisu dijun wakwah.

Jisu ma Hethô, Phoangthô, ngale Khoanchet Mesiet

(Luk 6.17-19)

23Jisu ma Galili jaatang nâng phoangkhoam lahma Sanagog hehnâng hethô, Joban Hahsông Nginkongsen pa phoangthôkoh, ngale jatrup khoanchet, khun atamte heh mesiet rewah. 24Ate nginpa Siria diak phangtangma chohtat wah, ephumma mihnyan hehma jatrup khoanchette, khunte: juchhih lupte mihnyan heh, wobuh, kôasôte heh - ate tânâng siethû kolahma atema mesietwah. 25Jahmõang mihnyan heh atediko Galili ngale Dekapoli, Jeroselem, Judia, ngale jordanjo rankawah jahmõang mihnyan hehma ate dijun wah.

Currently Selected:

MATHIU 4: NOKTBSI

Highlight

Copy