MARK 16

Jisu Yangei Leipü

(Mt. 28:1–8; Lk. 24:1–12; Jn. 20:1–10)

1Mechem Sabbath peihpa, Mary Magdalen, hatü Jakob hi Salome nyilei chenyü Mary-i vong meipü meli shakei büpalei mahng kü nyionüng heih. 2Hatyang kü shongpü nep vanghe aongshekü lomi mahngchongei heih, 3hatü jijinyi hüki hük mü, “Üpai ji kü shaden leipü yaong ngowtükphahen?” shei etei.

4Shejao mechem jiji-i veishuohpa, hajük longpü yaong ngowdaitü ee. 5Jiji mahngchongei shüjajü nethe hük shola ow owtü lakdah philei uoshi ee, hapa kü jiji nyemteke.

6Shejao büpai jiji kü, “Tenyem, anjiyü shophang kü aptükpü Nazareth am Jisu yemnyu khih. Büpa yangei leidaitih; büpa hammü nenyu. Büpa lempü shing kü veituh. 7Shejao leituh, hatü büpalei nanglomthü hatü Peter kü büpayü am shekü Galilei heihdainyüke. Büpai epükei halei ammi büpa heühen” shei e.

8Nyempü hi thamapai jiji mahngchong leipü vamei mok. Jiji-i nyempü nangkü üpa kao meheyao ne-e.

Jisu Mary Magdalen Touei Vampü#Meyangpü longi shongnyü lai hanei kü Mark 16:9–20 thahshi ne-eenyu

(Mt. 28:9–10; Jn. 20:11–18)

9Shaang hatyang kü shongpü nep lomi yangei leipheikü büpai mang laangha nyet changtükshuohpü Mary Magdalen touei vam. 10Pinnyü daiyei büpa mü nyuhampü mahng thepei chongjapüthü kü eshuoh. 11Shejao mechem jomi büpa yemmü nyüke, hatü pinnyüiyao eetepih shei ejapa, jomi ha kü hingnelem.

Jisu Nanglom Nyi Touei Vampü

(Lk. 24:13–35)

12Hapheikü nanglom nyi lemei daiyei nyushingkü Jisui shao nyingnyoi mü hayaoha vamei jiji kü hu. 13Jiji nyokei leiyei lebüthü kü e, shejao jomphongi jiji kü hingnelem.

Jisui Nanglomthü kü Kangpü

(Mt. 28:16–20; Lk. 24:36–49; Jn. 20:19–23; P.Dou. 1:6–8)

14Pheishi Jisui nanglom anpühük hahyingei nyushingkü vam; Jisui jomphong hingnelempü hatü mong vaanpü kü lohteke; mehenangkü büpa yangei leipheikü büpa eepü shennyakthülei shah kü jomi hingnelem. 15Büpai jomphong kü, “Kahdoknyü peü lemei daituh hatü hangkuli peü kü shahjangmei chongventuh. 16Üami hinglem, hatü baptük, jom yanghen, shejao üpai hingnelem nyonghühen. 17Hinglempüthü kü hapa nyangeihepü nyuhen: ngelei men noshi jomi kahshihthü changtükaokhen; jomi shahlem hayaohai ehen; 18jomi jomei lakei biü nohen; hatü jomi dihen leü nemeipü yingjao hapai jom kü meheyao nevaihen; jomi tüngpüthü kü laki shünghen, hatü jom meidaihen” shei eteke.

Jisu Vangsholei Aongdaipü

(Lk. 24:50–53; P.Dou. 1:9–11)

19 Shembüpa Jisui jom mü eteipheikü vangsholei anlang, hatü Kahvangei lakdah philei uo. 20Nanglomthü daiyei peü lemei hapa shahjangmei chongven, hatü Shembüpai jom mü chemi dou dük, hatü yashanyale douthü dükpai jomphongei shahjangü hingshangpü shei lekhüteke.

Currently Selected:

MARK 16: PHOMBSI

Highlight

Copy