KAHBHAO 5
5
Adamei Hühihathü
1Hapayü Adamei hühihathülei men nyangpü: Mechem Kahvangi hangkuli ling, büpai büpayü Kahvang lepü kü ling. 2Büpai nyüha baha shei lingtü moihiman. Mechem büpai hathü ling, büpai hathü kü, “Hangkuli” shei men.
3Mechem Adam bong 130 nyupa, büpai büpa anshi yeshang hük büh, hatü büpai naü kü Seth shei men. 4Seth bühpheikü Adami bong 800 nyu, hatü hapheikü lebü hapeüthü büh. 5Peüshep Adami bong 930 nyutü büpa di.
6Seth bong 105 nyushi Enosh büh. 7Büpai Enosh bühpheikü bong 807 nyu, hatü yiükha yeshangthü longi büh. 8Peüshep Seth-i bong 912 nyutü büpa di.
9Enosh bong 90 nyushi Kenan büh. 10Büpai Kenan bühpheikü büpa bong 815 nyu hatü shao yiükha yeshangthü büh. 11Peüshep Enosh-i bong 905 nyutü büpa di.
12Kenan bong 70 nyushi Mahalalel büh. 13Büpai Mahalalel bühpheikü bong 840 nyu, hatü lebü yiükha yeshangthü büh. 14Peüshep Kenani bong 910 nyutü büpa di.
15Mahalalel bong 65 nyushi Jared büh. 16Büpai Jared bühpheikü bong 830 nyu hatü lebü yiükha yeshangthü büh. 17Peüshep Mahalaleli bong 895 nyutü büpa di.
18Jared bong 162 nyushi Enokh büh. 19Büpai Enokh bühpheikü bong 800 nyu, hatü lebü yiükha yeshangthü büh. 20Peüshep Jaredi bong 962 nyutü büpa di.
21Enokh bong 65 nyushi Methuselah büh. 22Büpai Methuselah bühpheikü Kahvang mü bong 300 kam, hatü lebü yiükha yeshangthü büh. 23Peüshep Enokh bong 365 nyu. 24Enokh Kahvang mü kam, hatü büpa nenyu; mehenangkü Kahvangi büpa yahlang.
25Methuselah bong 187 nyushi Lamekh büh. 26Büpai Lamekh bühpheikü bong 782 nyu, hatü lebü yiükha yeshangthü büh. 27Peüshep Methuselah-i bong 969 nyutü büpa di.
28Lamekh bong 182 nyushi yeshang hük büh. 29Büpai naü kü Noah shei men, lappü, “Shembüpai thaüvaütükpü kahdok kü hami tokvai hanghiyei nyiueinangei dükpü dou kübü büpai ham nyiumeihühen” shei eteke. 30Noah bühpheikü Lamekh-i bong 595 nyu, hatü yiükha yeshangthü büh. 31Peüshep Lamekh bong 777 nyutü büpa di.
32Noah bong 500 behe nyushi büpai Shem, Ham, hatü Japheth bühteke.
Currently Selected:
KAHBHAO 5: PHOMBSI
Highlight
Share
Copy
Want to have your highlights saved across all your devices? Sign up or sign in
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.
