KAHBHAO 10

Noahlei Hühihathü

1Hapayü Shem, Ham, Japheth hathülei hühihathü nyüke: Bünghiyang lenpheikü hathüi hapeüthü bühteke.

2Japhethlei hapeüthü: Gomer, Magog, Madai, Javan, Tubal, Meshekh hatü Tiras. 3Gomerlei hapeüthü: Ashkenaz, Riphath, hatü Togarmah. 4Javanei hapeüthü: Elishah, Tarshish, Kittim hatü Rodanim.#Rodanim kü Dodanim sheiyao eehen. 5Yungkungei haiyei daipü shennyakthüyü hathü kübü nyüke. Hathüyü Japhethlei hühihathü jomei kahdokei jomei shah eshi, jomei mükhiphang, jomei jat shei nyuteke.

6Hamei hühihathü: Kush, Ijip, Put hatü Kanan. 7Kushlei hapeüthü: Seba, Havilah, Sabtah, Raamah, hatü Sabteka. Raamahlei hapeüthü: Sheba hatü Dedan. 8Kush-ü Nimrodei chepa, büpa kahdoknyü kü shongpü wong kohpü hampa nyuteke. 9Büpayü Shembüpai sheühpü homei wong kohpü hampa lei. Hanangkü, “Wong kohpü hampa Nimrod kei khih” shei ehamteke. 10Shongpü büpalei ongchong chingü Babylon, Erekh, Akkad hatü Kalneh nyu. Hathüyü Shinar#Shinar sheiyü Babylon kü enyüke. kahdokei nyu. 11Hapa kahdok leipü büpai Assyrialei heih. Halei uotü büpai Nineveh, Rehoboth-Ir, Kalah, 12hatü Resen hathü ching Nineveh hatü Kalah aa kü agteke. 13Ijip-ü Ludim, Anamim, Lehabim, Naphtuhim, 14Pathrusim, Kasluhim, hatü Kaphtorim, meleipü Philistia am vampa, hathülei pa nyuteke.

15Kananü hashongpa Sidon, hatü Hit, 16Jebus, Amor, Girgash, 17Hiv, Ark, Sin, 18Arvad, Zemar, hatü Hamath hathülei pa nyuteke. Shomshi Kanan am haiyei dai, 19hatü Kanan amei viong Sidon lemei Gerar kübü Gaza thahshi, hatü Sodom hatü Gomorrah, Admah hatü Zeboiim philei heihpü Hamath am thahshi nyu.

20Hathüyü Hamei hühihathü jomei mükhiphang, shahlem eshi, jomei kahmük, jomei jat kü nyuteke.

21Shemei hapeüthü: Japhethlei chejei Shem kao hapeüthü longi bühjateke. Shemü Eberlei hapeüthülei chebü nyuteke. 22Shemei hapeüthü: Elam, Asshur, Arpakhshad, Lud hatü Aram. 23Aramei hapeüthü: Uz, Hul, Gether, Meshek.#Meshek kü Mash sheiyao eehen. 24Arpakhshadü Shelahlei chepa nyu, hatü Shelah-ü Eberlei chepa nyu. 25Eberlei hapeü nyi nyu: Hük kü Peleg shei men; mehenangkü büpalei nyih kü kahdoknyü shennyakthü hanteiteke; chenaüei men Joktan nyu. 26Joktanü Almodad, Sheleph, Hazarmaveth, Jerah, 27Hadoram, Uzal, Diklah, 28Obal, Abimael, Sheba, 29Ophir, Havilah, hatü Jobab hathülei chepa nyuteke. Jom peü Joktanei hapeüthü nyu. 30Jom nyupü kahmükü Mesha kübü phaüshang kahmük heongphi Sephar thahshi nyu. 31Hathüyü Shemei hapeüthü jomei mükhiphang aimü, jomei shah eshi, jomei kahmük, jomei jat shei nyuei dai.

32Hathüyü Noahlei hühihathü jat jat laophülei bülem laolao aimü nyüke. Hathü kübü bünghiyang lenpheikü kahdok peülei haiyei daipeih.

Currently Selected:

KAHBHAO 10: PHOMBSI

Highlight

Copy