PHONGSHANTHÜ DOU 3

Lakhopa Yühahjaiying Hük Peteri Meihüpü

1Nyih hük Peter hi Johan nyi phopshemei phoppü hepak kü om jem baji kü aongteke. 2Shennyak hük bühhinüng la khodaipü poh-ei shüteke. Nyihjeih shennyakthüi büpayü Nethe Meipü Shaden shei epü phopshem shadenei uoshi phopshem mongei shüpüthü kü lop yühen tuhhamteke. 3Mechem büpai Peter hi Johan nyi phopshemei shüdainüng shei eepa, büpai jiji kü lop yüteke. 4Peteri büpa kü Johani kei hüngei veitü, “Henji kü veituh” shei e. 5Hatü büpai jiji kü jiji leipü lemhük payü danghen shei hüngei vei. 6Shejao Peteri büpa kü, “Ngei hon nevaijü ngin neshiü, shejao mehe ngeilei nyu, ngei nüng kü shuohshah; Nazareth am Jisu Khristalei men kü yaongtuh hatü kamtuh” shei e. 7Hatü büpai büpalei lakdahphi kü düktü büpa yaonghü, hatü shaang-üng büpalei la hatü lashüh wong koh-ei lei. 8Büpa phaukei aongtü yaong hatü kamhen pang, hatü büpa jiji mü phopshemei kamei hatü phaukteiyaki Kahvang men vih-ei shüteke. 9Shennyak peüi büpa kamei hatü Kahvang men vih-ei ee, 10hatü jom peüi büpayü phopshemei Nethe Meipü Shadenei uoshi lop yühampü shennyak khih shei nying, hatü büpa kü mehe vampa, ha eetü jom peü thamapü hatü yashanpai mateke.

Peteri Phopshemei Chongvenpü

11Mechem büpa Peter hi Johan nyi kü shongshi nyupa, thamaei nanglakthü chemi jomphong touei Solomonei Shemshom touei heih. 12Mechem Peteri ha eepa, büpai nanglakthü kü, “Israel jeihinaüthü, henjilei wongi nevaijü henji-i bampai büpa kamhünyu keiha mehekei thamanya nevaijü henji kü veinya? 13Abraham Kahvang, Isak Kahvang, Jakob Kahvang hatü jenei bühipalei Kahvangi büpalei ha Jisu, üpa ammi büpa lanei shuoh, hatü Pilati vetükhen ejao ammi nemong, büpa müknyinshekhanghüpü khih. 14Shejao amphongi Daülangpü hatü Hingshangpü Hük yaktük hatü shennyak jüpü am-ang vetükhen ammi yü, 15hatü ammi yangnyu Lingbü jütükpeih, shejao Kahvangi büpa yangei leishihpeih. 16Büpalei men kü hinglempai, büpalei men kü mon hapa shennyak wong kohhüpeih, büpa ammi shaang eenyüke hatü nyingnyüke, hatü Jisu kü hinglempü homei am peüi eeshi büpa kü hapa yangnyu meipü shuohteke.”

17Hanangkü shaang, jeihinaüthü, ammei vanglem lembüthü keiha ammi nenyingi dükpeih shei ngei nyingnyüke. 18Hapa keiha mehe Kahvangi büpalei Messiah shangponghen shei thibüthü homei teteivanei nyu, ha jiüteke. 19Hanangkü mong leptuh, hatü ammei mang thitei yaktükphahen shingvaishi Kahvang touei lepei leituh, 20shejüang SHEMBÜPAleipü laangha wong ja hepak peikahen, hatü büpai am shingvaishi jetükpü Messiah, lappai Jisu am touei shomphahen. 21Kahvangi laophülei daülangpü thibüthü homei yeihshi mebü lahpükei Kahvangi lemphüli ja linghen hepak mangngoi thahshi büpa vangsholei nyuhen. 22Mosai e, “Shembüpa, ammei Kahvangi am shingvaishi ammei nanglak khong kübü ngei keipü thibü hük vamhühen. Büpai mehe mehe ephahenshang ammi ha bangtuh, 23hatü üpai hapa thibü kü nebanghenshang nanglakthü khong kübü bhiyei yaktükhen. 24Thibüthü peüi Samuel kübü pangei büpa phei kübü peüi ha eteke hatü hathü nyihthü nang tetei eteke. 25Amphongü thibüthülei hühihathü hatü Kahvangi ambü Abraham mü, ‘Nüngei lihilathü kü kahdoknyü jat peüi moihimanhen danghen’ shei vangei epeih.” 26Mechem Kahvangi büpalei ha yangei leishihpa, ammei mang lemthü kübü lepei am kü moihimanhen shingvaishi büpai shongei büpa am touei shompeih.

Currently Selected:

PHONGSHANTHÜ DOU 3: PHOMBSI

Highlight

Copy