SAM 60
60
Chhan chhuah dîlna
Hla hruaitu tân: Lilipâr#60: Sâm hming ‘Susan-Eduth’ (2 Samu. 8:13; 1 Chr. 18:12). thlûka sak tûr. Thupêk. Davida hla fing, mi zirtîr nân. Aram-naharaim leh Aram-zobaa nên an inbei a, Joaba haw lamin Edom ram Chi ruama mi sîngkhat leh sânghnih a thah ṭuma mi
1Aw Pathian, min thlauthlâka,
Min tihdarh zawh tâk hi;
I thinur hle na a, kan lam lo hawi leh teh.#60:1 ‘I thinur êm a, min hawisan ta’ tih theih a ni.
2Ram chu i sâwi nghîng a, a phel tâk hi,
A chhe laite chu thawm la,
A tlu mai dâwn alâwm.
3I mite hi thil khirh tak i tuartîr a,
Pai pai khawpin uain min intîr hi.
4Nangmah ṭihtute chu an inhâwr khâwm theih nân,
Thal kâptute lakah flag#60:4 ‘Flag’ hi hnam puanzâr, sipaite inpunkhâwmna a ni. pe ang che.
5I chaknain min rawn chhan la,
Kan dîlna hi lo ngaithla teh,
I mi duh takte hi an him theih nân.#Sam. 108:7-13.
6A hmun thianghlim aṭangin
Pathianin thu a sawi:
“Sekem khua chu ka sem darh lêng ang a,
Sukot ruam chu ka ṭhen darh vek bawk ang.
7Gilead leh Manase ram chu ka ta a ni,
Efraim ram pawh ka inhumna lukhum a ni a,
Judai ram lah ka laltiang a ni si.
8Moab ram chu ka insilna chawhtawlh a ni a,
Ka ta a nih hriat nân,
Edom ram chu ka ta a ni tih hriat nân,
Ka pheikhawkin ka vawm ang, tiin.
Ka chungah hian Filistia mite chu lâwmin an au ang maw?”
9Tu nge kulh nei khuaah mi hruai anga,#60:9 ‘Kulh nei khua chu tu nge mi rawn lâk anga, Edom chu tu nge mi pe ang?’ tia lehlin theih a ni bawk.
Edom ramah min kalpui ang?
10Aw Pathian, min thlauthla ta em ni?
Kan sipaite zîngah, aw Pathian, i tel ve tâk loh hi?
11Hmêlma lakah min ṭanpui teh,
Mihring ṭanpuina zawng engmahlo mai a ni.
12Pathian zârah huai takin kan che ang,
Kan hmêlmate a chîl hrep ang.
Currently Selected:
SAM 60: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
