SAM 57
57
Ṭanpui dîlna
Hla hruaitu tân: Davida hla fing: Fakna hla: Saula a hlauh laia pûka a bihrûk laia mi
1Aw Pathian, min khawngaih rawh, min khawngaih rawh,
I hnên ka rawn pan a,
I thla hnuai hlimah chuan ka lo bi ang,
Thil ṭha lo hi a kian hma chu.
2Pathian Chungnungbera chu ka au.
Engkim min tihsak ṭhîntu Pathian chu.
3Vân aṭangin min chhâng ang a, min chhandam ang,
Min vehtute hmuhsitna ata chu,
Pathianin a rinawmna leh ngilneihna
A rawn lantîr ngei ang.
4Sakei zînga awm ang ka ni,
Ka chunga thinrimte zînga ka chên hi,
An hâte chu fei leh thal anga hriam a ni,
An leite lah khandaih hriam tak ang hi a ni.
5Vânahte khian i ropuizia han tilang la,
Aw Pathian, lei pumah hian tilang ang che.
6Ka awh nân lên an zâr duai a,
Ka mangang êm êm mai,
Ka kalkhânah hum an lai a,
Anmahni ngei an tla ta zâwk.
7Ka ring tlat che a ni, aw Pathian, ka ring tlat che,
Hla ka sa ang, a ni, i fak hla ka sa ang. #Sam. 108:1-8.
8Ka nunna hi ṭhangharh sela,
Ṭingṭang leh khuang te u, inpeih rawh u,
Khua i han au vâr teh ang.
9 Lalpa, i mite zîngah chuan ka fak ang che,
Mipui zîngah i fak hla ka sa ang.
10I ngilneihna chuan vân a tawng a,
I thutak chuan vân khi a thleng si a.
11Vânahte khian i ropuizia han tilang la,
Aw Pathian, leiah pawh hian tilang ang che.
Currently Selected:
SAM 57: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
