SAM 54
54
Hmêlma laka vên him dîlna
Hla hruaitu tân: Ṭingṭang hrui nei nên:#54: Sâm hming. Heb. ‘Neginoth’ Davida hla fing. “Kan zîngah Davida a biru e,” Zif-hovin Saula hnêna an rawn tih laia mi
1Aw Pathian, i thiltihtheihnain min chhandam la,
I chaknain ka thu min rêlsak rawh.
2Aw Pathian, ka dîlna hi lo ngaithla la,
Ka thute hi lo bengkhawn teh.
3Hnam dangte chu min bei tûrin an lo thawk a,
Mi hlauhawm pui puiten min thah an tum,
Pathian pawisa ngai lote chuan.
4Mahse, Pathian chu min ṭanpui ṭhîntu a ni a,
Lalpa chu min tungding ṭhîntu a ni.
5Min tihchhiat tumtute sualna chu
Pathianin thungrûl rawh se,
Ani chu a rinawm a, anni chu a tiboral ang.
6Phal takin inthawina ka rawn hlân a che,
Lalpa, i ṭha êm a, i hming ka chawimawi ang.
7Ka manganna tinrêng ata min chhan chhuak a,
Ka hmêlmate tlâwm ta chu ka hmuh tâk hi.
Currently Selected:
SAM 54: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
