SAM 48
48
Zion, Pathian khawpui
Hla: Kora pâwlte Fakna hla
1 Lalpa chu a ropui a, fak chiam tûr a ni e,
Kan Pathian khawpuiah, a tlâng thianghlimah hian.
2Zion tlâng chu a mawi chungchuang mang e,
Ram pum pui timawitu a ni.
Zion tlâng hi Zafan#48:2 Heb. ‘hmâr’. Foiniki-hovin ‘hmâra tlâng’ an tih chu pathiante chênna tlâng an tihna a ni. A phuahtu hian Zion sawi mawi nân a rawn hmang ve a ni. tlâng ang a ni,
Lal ropui tak khawpui chu. #Mt. 5:35; Isa. 14:13.
3Kulh chhûngah chuan Pathian chu a chêng a,
Humhimtu a nih a lang.
4Lalte an pung khâwm a,
Rawn bei tûrin an lo kal khâwm.
5An han hmu a, mak an ti a,
An hlau ta a, thlabârin an tlânchhia.
6Tah chuan an thauvah a man ta a,
Nau vei na tuar ang mai an ni.
7Khawchhak thliin Tarsis lawng rual
A tichhe vek bawk a.
8Engkim Lalpan awm reng tûra a din,
Kan Pathian khawpuiah chuan,
Kan hriat ṭhin kha kan hmuh tâk hi.
9Aw Pathian, i Tempul chhûngah chuan,
I ngilneihzia kan chhui kan chhui ṭhîn,
10Aw kan Pathian, i hming an chawimawi a,
Ram tinah a thang ta e,
Dik takin ro i rêl ṭhîn.
11Zion tlâng chu lâwm hle sela,
Judai ram mite chu hlim bawk rawh se,
Dik taka ro i rêl avângin.
12Zion tlâng hi vêlin kal hual ula,
In sângte chu chhiar vek rawh u.
13A kulh bangte chu en ngun ula,
A thlêrte chu fang vek rawh u,
Ṭhangthar zêl hnêna in hrilh atân.
14He Pathian hi, kumkhuaa kan Pathian a ni,
Aman min hruai kumkhua dâwn si.
Currently Selected:
SAM 48: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
