SAM 46
46
Kan hnênah Pathian a awm
Hla hruaitu tân: Kora pâwlte Fakna hla: Soprano#46: Sâm hming Heb. ‘Almanoth’ chauhva sak tûr hla
1Pathian chu kan inhumhimna leh kan chakna,
Mangan laia ṭanpui var ṭhîntu hnai#46:1 ‘ziahtu’ tih theih a ni. reng a ni.
2Chuvângin, leilung hi lo danglamin,
Tlângte hi tuifinriat thûk laiah pil#46:2 ‘min pil’ tih theih a ni. mah sela,
Kan hlau lo vang.
3A tuite chu ri hum humin phûl bulh bulh mah sela,
A fâwnte chuan tlângte tinghîng dur dur mah sela,
Kan hlau chuang hek lo vang.#46:3 Châng 3 zawha thunawn hi bu ṭhenkhatah chuan châng 7 leh châng 10 tâwpah a awm tel.
4Lui pakhat a awm a,
Chumi pêngte chuan Pathian khawpui a tilâwm ṭhîn;
Chungnungbera awmna Hmun Thianghlim chu.
5Pathian chu a chhûngah a chêng a,
A nghîng lo vang a,
Pathian chuan khawfîngchah hunah a ṭanpui ang.
6Hnamte an buai zo va,
Ramte a nghîng bawk a,
Ani chuan aw a chhuah a, lei chu a tui zo ta.
7Engkim Lalpan min awmpui a,
Jakoba Pathian chu kan kulhbîng sâng a ni.
8Hawh u, Lalpa thiltihte hi han en teh u,
Leia thilte a tihchhiat nasatzia hi.
9Indonate chu kâwlkil thlengin a tireh a,
Thalte a titliak a, feite a tibung a,
Phawte meiah a rawh ral ṭhîn.#46:9 ‘tawlailîrte a hâl’ tih theih a ni.
10Ngawi ula, Pathian ka ni tih hi hre rawh u,
Hnam tin chunga lal ka ni a,
Lei chunga rorêltu ka nih hi.
11Engkim Lalpan min awmpui a,
Jakoba Pathian chu kan kulhbîng sâng a ni.
Currently Selected:
SAM 46: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
