SAM 19
19
Thilsiamah Pathian ropuina a lang
Hla hruaitu tân: Davida Fakna hla
1Vânte khian Pathian ropuizia an tilang a,
Vân dumah khian a themthiamzia a lang.
2Chhûn hian chhûn hnênah thu a hlân chhâwng a,
Zân pawhin zân hnênah hriat tûr a puang chhâwng ṭhîn.
3Thu rêng an sawi lo va, an ṭawng ri bawk hek lo va,
An aw te chu hriat tûr a awm hek lo.
4Mahse, an aw#19:4 Heb. ‘An hrui’ chuan lei a fang chhuak a.
An thu chu kâwlkil thlengin a thang chhuak ta.
Tah chuan ni chu puan in a zârsak a. #Rom. 10:18.
5Ni chu, moneitu a pindan ata hlim taka a chhuak ang leh,
Mi chak phûr taka a tlân ang hi a ni.
6Kâwlkil chhak lamah a lo chhuak a,
Kâwlkil thlang lam panin a kal kual a,
A lum hre lova thuhrûk eng mah a awm lo.
Lalpa Dân
7 Lalpa Dân chu a famkim a, nun a tiharh ṭhîn,
Lalpa thu hriattîr chu a rinawm a, mi mâwl a tifing ṭhîn.
8 Lalpa thuruatte chu a dik vek a, thinlung a tilâwm ṭhîn.
Lalpa thupêkte chu a thianghlim a, mit a tivâr ṭhîn.
9 Lalpa ṭih chu a ṭha a, a daih kumkhua ṭhîn.
Lalpa thurêl chu a dik a, a fel vêl vek a ni.
10Rangkachak aiin a duhawm a,
Rangkachak thianghlim ber ai pawhin.
Khawizu aiin a thlum zâwk a,
A thlâra luang khawizu aiin. #Sam. 119:72; 127; Thuf. 8:10.
11A ni, chûng chuan i chhiahhlawh hi min zirtîr ṭhîn,
A zâwmtu tân lâwmman a tam êm êm.
12Mahni dik lohna tu nge hre thei?
Sual inthup lakah te min tifihlîm ang che. #Lev. 4:2.
13I chhiahhlawh hi chapona lakah min vêng la,
Ka chungah hian thu neihtîr suh,
Tichuan, ka lo famkim ang a,
Bawhchhiatna sual lakah ka fihlîm ang.
14Aw Lalpa, ka lungpui leh mi tlantu,
Ka thu sawite leh ka ngaihtuahte hi
I tân pawm tlâk lo ni rawh se.
Currently Selected:
SAM 19: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
