LUKA 11

Ṭawngṭai dân tûr a zirtîr

(Mt. 6:9-13; 7:7-11)

1Vawi khat chu hmun pakhatah a ṭawngṭai a. A han bân chuan a zirtîrte zînga pakhatin a hnênah, “Lalpa, Johanan a zirtîrte ṭawngṭai dân a zirtîr ang khân min zirtîr ve ta che,” a ti a. #Mk. 1:35; Lk. 3:21; 5:16,38; 6:12; 7:18; 9:18,28. 2An hnênah chuan, “In ṭawngṭaiin heti hian ti ang che u:

‘Kan Pa,#11:2 Mss ṭhenkhatah ‘Vâna mi’ tih a tel.

I hming zahin awm rawh se,

I ram#11:2 Mss ṭhenkhatah ram chu lo thleng rawh se tih hnuah ‘Vâna i duhzâwng an tih angin leiah tih ni rawh se’ tih a tel. lo thleng rawh se,

3Ni tin ei tûr chaw min pe ang che,

4Kan sualte min ngaidam la,

Keini pawhin kan chunga

tisual apiang kan ngaidam ṭhîn.

Thlêmnaah min hruai lût suh ang che,’ tiin,”

a ti a. #Lk. 18:35; Mk. 11:29.

5An hnênah, “In zînga mi pakhatin ṭhian nei sela, zânlaiah a hnêna va kalin, ‘ṭhiana, chhang tlang thum min pûktîr teh, 6ka ṭhian zinin mi rawn tlawh thut a, a hmaa hlui tûr eng mah ka nei lo,’ va ti sela, 7in chhûnga mi chuan, ‘Mi rawn tibuai suh, tûnah zawng kawng pawh kan kalh diam tawh a, ka fate nên khumah kan mu tawh, thovin ka rawn pe thei lo che,’ tihsan sela; 8ka hrilh a che u, a ṭhian a nih avângin thovin va pe lo mah se, a dîl ngut ngut avângin thovin a duh zât zât a pe ang.

9“Chutichuan, ka hrilh a che u, dîl ula, pêk in ni ang; zawng ula, in hmu ang; kik ula, hawnsak in ni ang.#Mt. 7:7-11. #Mt. 18:19; 21:22; Mk. 11:24; Jn. 15:7; 16:23,24; Jak. 1:5-8; 1 Jn. 5:14,15. 10A dîl apiangin an dawng ṭhîn, a zawng apiangin an hmu bawk ṭhîn. Tu pawh a kik chu an hawnsak dâwn a ni. 11In zînga pa, a fapain sangha dîl sela, tu nge sangha aiah rûl pe ang? #Tirh. 19:13. 12Artui aiah pawh tuin nge khawmualkaikuang pe ang? 13Chutichuan, nangni mi sual mahin in fate thil ṭha pêk nachâng in hriat si chuan, in Pa vâna mi chuan a dîltute chu Thlarau Thianghlim a va pe dâwn êm!” a ti a.

Isua leh Belzebula

(Mt. 12:22-30; Mk. 3:20-27)

14Ramhuai ṭawngtheilo pakhat hi a hnawt chhuak a, ramhuai chu a lo chhuah hnu chuan ṭawng thei lo chu a lo ṭawng thei ta a, mipui chuan mak an ti hle a. 15An zînga ṭhenkhat chuan, “Ramhuai lal Belzebula vâng alâwm ramhuaite a hnawh chhuah le,” an ti a. #Mt. 9:34; 10:25. 16A ṭhen erawh chuan amah fiah nân vân ata chhinchhiahna thil mak entîr an phût a. #Mt. 12:28; 16:1; Jn. 2:18; 6:30. 17Ani chuan an tih chhan a lo hria a, “Khawii ram pawh mahni indo chu an ṭiau ṭhîn: chhûngkua pawh mahni indo chu a kehchhe ṭhîn. 18Setana pawh mahni a indo chuan engtin nge a ram chu a din theih ang? Belzebula vângin ramhuaite hnawt chhuakah min puh si a. 19Keiin Belzebula vângin hnawt chhuak ni ila, in mite#11:19 ‘fate’ tih a ni, Israel mi, ramhuai hnawt chhuak thiam. khân tu vângin nge ramhuai an lo hnawh chhuah ṭhin? Tichuan, anni khân asin thiam loh chantîr zâwk dâwn che u. 20Pathian kut avânga ramhuai hnawt chhuak ka nih si chuan in hnênah Pathian ram chu a lo thleng ta tihna a ni.

21“Mi chak chuan hriam famkim nên a in a vên chuan, a sum chu a him ṭhîn; 22amaherawhchu, a aia chak zâwkin a rawn beiha, a rawn hneh chuan, a rin chhan râlthuam chu a chhuhsak ang a, a sum pawh a lâksak ang a, a duh duhin a sem darh mai ang. 23Ka lama ṭang lo tawh phawt chuan mi do a ni, mi lâk khâwmpui lo chuan a tidarh a ni. #Mk. 9:40; Lk. 9:50.

Thlarau bawlhhlawh kîr leh

(Mt. 12:43-45)

24“Thlarau bawlhhlawh chu mi kawchhûng ata a chhuahin chawlhhmun zawngin tui awm lohna hmunahte a vâk a vâk a; mahse, a hmuh loh avâng chuan, ‘Ka in, ka chhuahsan tâkah khân ka kîr leh mai teh ang,’ a ti a. 25Tin, a va thlen chuan phiah faia tihfel diamin a va hmu a. 26Tichuan, a kal a, a aia sual hlîr thlarau dang pasarih a hruai a, an lo lût a, tah chuan awmhmun an khuar ta a; chu mihring awmze hnuhnûng zâwk chu a hmasa aiin a lo chhe daih ṭhîn a ni,” a ti a.

Nihlawh tak takna

27Chûng thu chu a sawi laiin mipui zînga nu pakhat a lo au chhuak a, “I paina pum chu a nihlawh e, i hnute hnêk pawh,” a ti a. 28Ani erawh chuan, “A ni, mahse, Pathian thu hriaa zâwmte hi mi nihlawh an ni zâwk e,” a ti a.

Chhinchhiahna phût

(Mt. 12:38-42; Mk. 8:11,12)

29Tin, mipui an lo pung khâwm chiam a, Isuan, “Tûnlai mite hi sual tak an ni; chhinchhiahna thil mak an phût a, Jona chhinchhiahna chauh lo chu chhinchhiahna thil mak rêng entîr an ni lo vang; #Mt. 16:4; Mk. 8:12. 30Jona chu Ninevi mite tân chhinchhiahna a ni ang khân, Mihring Fapa hi tûnlai mite tân chhinchhiahna a ni ang. #Jon. 3:4.

31“Chhim lam lalnu kha Rorêl ni-ah chuan tûnlai mite rual hian a tho ve ang a, thiam loh a chantîr ang: Solomona finna ngaithla tûr mahin kâwlkil ata a lo kal si a; ngai teh u, Solomona aia ropui zâwk hetah hian a awm asin. #1 Lal. 10:1-10; 2 Chr. 9:1-12.

32Ninevi mite chu Rorêl ni-ah tûnlai mite nên hian an ding za ang a, thiam loh an chantîr ang. Jona thu hril avângin an sim si a; ngai teh u, Jona aia ropui zâwk hetah hian a awm a ni. #Jon. 3:5.

Taksa khâwnvâr

(Mt. 5:15; 6:22-23)

33“Tu man an khâwnvâr hâl chu hmun biru takah an dah ngai lo va, khovin an khuh ngai hek lo, a lo lûtten khua an hmuh theih nân a dahnaah an dah zâwk ṭhîn. #Mt. 5:15; Mk. 4:21; Lk. 8:16.

34“I mit hi i taksa tân khâwnvâr ang a ni; i mit a dik chuan i taksa pum chu a êng vek ang, a dik loh erawh chuan i pumin a thim vek ang. 35Fîmkhur rawh, nangmaha êng awm chu thim a lo ni hlauh dah ang e. 36Thim lai awm lova, i taksa pum a ên vek erawh chuan khâwnvâr êngin a chhun êng che ang hian i pumin i êng ang,” a ti a.

Farisai-te leh Dân hretute a dem

(Mt. 23:1-36; Mk. 12:38-40)

37Chûng thu a sawi lai chuan Farisai pakhatin chaw eiah a sâwm a; tichuan, a zui lût a, chaw chu a kîl ta a. #Lk. 7:36; 14:1. 38Farisai chuan chaw ei dâwna kut a sil lo chu mak a ti hle a. #Mk. 7:1-5. 39Lalpa chuan a hnênah, “Nangni Farisai-te hian no leh thlêng pâwn lam in sil fai ṭhîn tak a, in chhûng lam erawh chu duhâmna leh suahsualnain a khat si a. 40In va â êm! Pâwn lam siamtuin chhûng lam pawh a siam a ni lâwm ni? 41No leh thlêng chhûnga thil awm chu mi rethei pe ula chuan, in tân engkim a thianghlim mai tûr.

42“A ni, nangni Farisai te u, in chung a pik e; lêngmasêr te, pudina te leh thlai tinrêng sâwma pakhat in pe ṭhîn, dik taka tih leh Pathian hmangaih erawh chu in ngaihthah si ṭhîn; chu chu asin in tih ngei ngei tûr chu, a dangte pawh khi tih ṭhulh chuang lovin.#Lev. 27:30; Mik. 6:8. 43Nangni Farisai-te u, in chung a pik e, sunagog-a ṭhutna hmasa berte leh dâwr hmuna chibai bûk te in ngaina si ṭhîn a. 44In chung a pik e, thlân tih hriat loh, a chunga hre lova mi an kal ṭhinna ang hi in ni e,” a ti a.

45Dânhremi pakhat chuan, “Zirtîrtu, hêng thu i sawi hian keini pawh min dem tel a nih hi,” tiin a lo chhâng a. 46Ani chuan, “Dânhremite u, nangni pawh in chung a pik e; phur hrehawm tak tak mite in bel ṭhîn a, nangniho lah chuan in kutzungṭang tê pawhin in khawih duh si lo. 47In chung a pik e, in pate thah zâwlneiho thlân inte in sa a; #Tirh. 7:51-53. 48in thlahtute thil tih chu in hriatpui a, in remtihpui tihna a ni; annin a thah an tum a, nangnin an thlân in sak in tum a. 49Chuvângin alâwm, Pathian Finna bu-ah pawh, ‘An hnênah zâwlneite leh tirhkohte ka tîr ang, a ṭhen an that ang a, a ṭhen an tiduhdah ang,’ tih ziak a nih kha. 50Chutichuan, Abela thah aṭanga maichâm leh Hmun Thianghlim inkâra Zakaria thah thleng khân, leilung pian tirh aṭanga zâwlnei zawng zawng thah thisen phuba chu tûnlai mite chungah hian lâk tûr a ni. 51A ni, ka hrilh a che u, tûnlai mite chungah hian phuba chu lâk a ni dâwn. #Gen. 4:8; 2 Chr. 24:20-21; Zak. 1:1. 52Nangni Dânhremite u, in chung a pik e, Finna chabi chu in kawl bo daih a, nangni lah lût duh si lovin, a lût tûrte in khap bawk si,” a ti a.

53Chuta ṭang chuan a chhuak a, Dân zirtîrtute leh Farisai-te chuan an tai ṭan ta a; thu tam tak an zâwt sek a, 54a ṭawng sual palh man tumin an châng ta reng a ni.#Mk. 12:13.

Currently Selected:

LUKA 11: MIZCLBSI

Highlight

Copy