TIRHKOHTE 27

Paula Rom khaw panin a kal

1Tin, Itali rama lawnga kal tûra min tih veleh, Paula leh mi tâng dang ṭhenkhatte chu Augasta Sipai pâwl an tiha mi sipai za hotu Julia kutah an hlân a. 2Adramuteno khaw lawng, tuifinriat kama Asia ram khuate tlawh tûrah chuan kan chuang a, kan kal ta a; Makedonia rama Thesalonika khaw mi Aristarka pawh a tel ve a. 3A tûkah chuan Sidon khua kan thleng a, Julia chuan Paula chu a tiṭha hle a, a ṭhiante hnêna lênga a châkkhai lam te a phalsak a. 4Chuta ṭangin lawng chuan kan kal zêl a, thliin a ni lo zâwnga min nem avângin Kupra thliarkâr phên thli ûp lamah kan kal a. 5Kilikia ram leh Pamfulia ram dep tuipui kan pelh hnuin, Lukia rama Mura khua kan thleng a. 6Chutah chuan sipai za hotu chuan Aleksandria khaw lawng, Itali rama kal tûr a hmu a, chu lawngah chuan min chuantîr a. 7Ni rei tak zawi zawiin kan kal a, harsa takin Nido khaw zâwn kan thleng hrâm a. A lêt zâwnga thliin min nem avângin Kret thliarkâr phên thli ûp lamah kan kal kual a. Kret thliarkâr hmâwr zum Salmoni an tih chu kan pêl a. 8Harsa takin vaukam kan hrût a, hmun pakhat, lawng chawlh hmun Mawi, an tih chu kan thleng a, chu chu Lasai khaw kianga awm a ni.

9Ni rei fe kan châm hnu chuan Chawnghei hun#27:9 Hei hi Tlanna kût an tih, September tâwp lam a ni. Thlasik thlipui a nat avângin he kût zawh hi chuan lawngah an kal zen zen lo. a pêl ta bawk a, lawnga kal zêl a hlauhawm hle tawh avângin anni chu Paulan thu a râwn a, #Lev. 16:29. 10an hnênah, “Pute u, tûna kan kal zêl chuan chhiatna nasa tak kan tâwk dâwn tih ka hria; lawng leh a bungraw phurh chauh ni lovin, keini lawnga chuangte tân pawh boral a hlauhawm a ni,” a ti a. 11Nimahsela, sipai za hotu chuan Paula thu sawi ai chuan lawngpu leh lawng neitu thu chu a awih ta zâwk a. 12Thlasik tuar nân chu lawng chawlhna chu a remchân loh avângin mi tam zâwkin kal chhuaha, Foiniki khua thlen hrâm a, chuta thlasik tuar chu an duh a. Foiniki khua chu Kret thliarkâra lawng chawlhna pakhat a ni, chhimthlang leh hmârthlang#27:12 ‘Hmârchhak leh chhimchhak’ tih theih a ni. hawi zâwnga awm a ni.

Tuipuia thlipui

13Chhim thli a lo tleh hiau hiau va, an duh ang tak an hmu ta emaw an ti a, thîrchakai chu an khai chhuak a, Kret thliarkâr chu a kam hnaih thei ang berin kan hrût a. 14Nimahsela, rei lo tê-ah khawmual lam aṭangin thlipui na tak a lo tleh chhuk ta phut a, chu thli chu Eurakulo#27:14 Mss ṭhenkhatah ‘Eurakuklo,’ ‘Eurokudlo,’ ‘Eurakudlo,’ tihte a ni. an vuah a. 15Lawng chu a rawn chhêm vir nawk a, thli lam hawia kar her rual ni ta hek lo, a duh duha len tûrin kan awm ta a, min lên min lên ta mai a. 16Thliakâr tê tak tê, Kauda#27:16 Mss ṭhenkhatah ‘Klauda’ tih a ni. an tih phên thli ûp lamah min lên a, harsa tak chungin lawnglêng chu kan hum thei hrâm a. 17Lawngah an khai chhuak a, lawng chu hruiin an phuar ta tlat a. Libua kam ṭiaudûpa min len luh an hlauh avângin lawng puanzâr chu an tihniam a; tichuan, min lên min lên leh ta a. 18Thli leh tuifâwn chuan min vawrh reng avângin, a tûkah chuan lawng bungraw phurh chu an paih ṭan ta a. 19Ni thum ni chuan anmahni kut meuhvin lawng thawmhnaw pawh an paih chhuak leh ta a.

20Ni rei tak, ni pawh, arsi pawh a lang lo va, thli lah chuan nasa takin min nuai reng a, dam rêng kan inbeisei tawh lo. 21Chaw ei lova ni tam tak an awm hnuin Paula chu an zîngah a ding a, “Pute u, ka thu kha awihin Kret thliarkâr aṭang khân chhuak lo ila chuan hetiang hrehawmna leh hlohnate hi kan tâwk lo tûr. 22Nimahsela, tûnah hian thlamuang taka awm tûrin ka ngên a che u. In zîngah tu mah in thi lo vang, lawng erawh hi chu a chhe dâwn a ni. 23A ta ka ni a, a rawng ka bâwl ṭhin, Pathian chuan vântirhkoh pakhat nizân khân a rawn tîr a, ka kiangah a lo ding a, 24‘Paula, hlau suh, Kaisara hmaah i ding tûr a ni. Ngai teh, lawnga i zinpuite zawng zawng kha nangmah avângin Pathianin a hum dâwn a ni,’ mi rawn ti a. #Tirh. 23:11. 25Chuvângin pute u, thlamuang takin awm rawh u. Pathian ka ring a, mi hrilh ang chu a thleng ngei ang. 26Thliarkâr khawiah emaw min lên chhuak tûr a ni,” a ti a.

27A zan sâwm leh zan li zânah chuan thliin Mediteranean#27:27 Adrian tuipuiah min lên lût a,’ tih a ni; tûnlaia Mediteranean kan tih tâk hi; a inrina lai erawh chu hriat a ni lo. tuipuiah chuan min lên zêl a, zanlai vêlah chuan lawng miten khawmual eng emaw thleng dâwnin an inhria a. 28Tichuan, tui thûk lam an teh a, hlam sawmhniha thûk a lo ni a, rei lo te hnuah an teh leh a, hlam sâwm leh pangaa thûk a ni ta a. 29Lung chhe hmuna min len chhuah an hlauh avângin lawng mei lamah chuan thîrchakai pali an thlâk a, khawvâr hlân an nghâkhlel hle a.

30Lawng mite chuan lawng hnâr lama thîrchakai thlâk tûr ni âwm takin lawnglêng chu tuifinriatah an thlâk a, lawng chu tlânsan an tum a ni. 31Chu veleh, Paula chuan sipai za hotu leh sipaite hnênah chuan, “Hêngho hi lawnga an awm reng loh chuan in him thei lo vang,” a ti a. 32Tichuan, sipaite chuan lawnglêng hruite chu an zai chat a, an len botîr ta a.

33Khawvâr dâwn ṭêpah Paula chuan lawnga mi zawng zawng chu chaw ei tûrin a ngên a, “Vawiin hi eng mah ei lova in awm ni sâwm leh ni lina a lo ni ta a. 34Chuvângin, chaw ei tûrin ka ngên a che u, in nunna tûr a ni e; in zînga tu ma samzai pakhat tê mah a boral lo vang,” a ti a. #1 Samu. 14:45; 2 Samu. 14:11; Mt. 10:20. 35Chûng thu a sawi zawh chuan chhang a la a, an zaa hmaah chuan Pathian hnênah lâwmthu a sawi zawhin a phel a, a ei ṭan ta a. 36Tichuan, an za-in thlamuang takin an ei ta a. 37Lawnga mi chu kan vaiin zahnih leh sawmsarih leh paruk#27:37 Mss ṭhenkhatah 270 tih a ni, a ṭhenah 76 vêl tih a ni bawk. kan ni a. 38An ei kham vek hnu chuan lawng tizâng tûrin an buh phurhte chu tuipuiah an paih chhuak leh ta a.

Lawng keh thu

39Khua a lo vâr chuan khawi lai vaukam nge an thlen an hre lo va, litengsâwla ṭiaupho an hmuhin lawng chu a theih chuan ṭiauphova khalh chhuah an tum a. 40Thîrchakai hruite chu an zai chat a, tuipuiah an hnutchhiah ta a; chumi rual chuan a kar herna phuarnate chu an phelh a, hma lam puanzâr chu thli chhêm tûr zâwngin an tisâng a, ṭiaupho chu an pan ta a. 41Nimahsela, tuizangkhauh pahnih intawhnaah kan lût a, lawng hnâr lam chu a insu bûr ta tlat a, tihchêt rual lohvin a tâng ta a; tuifâwn a nasat êm avângin lawng mei lam pawh chu a keh ṭan ta a.

42Sipaite chuan tânghote chu thah vek an rawt a, tui hleuh kaite an awm ang a, an tlân bo vang tih an hlau va ni. 43Nimahsela, sipai za hotu chuan Paula chhanhim a duh a, an thil rawt chu a khap a; tui hleuh thiam apiang chu tuipuia zuang thlaa khawmuala lo kai hmasa tûr leh, 44mi dang zawng chu thingphel chungah emaw, lawng keh them chungah emaw kai tûrin thu a pe ta a. Chutiang chuan kan za-in khawmualah him takin kan kai ta vek a.

Currently Selected:

TIRHKOHTE 27: MIZCLBSI

Highlight

Copy