MALAKIA 4
4
Rengpa nikhua zuang tung hrang chu
1Irngai u ta, nikhua a zuang tung e,
hâl inzôina mei angin a kâng a ni;
mi lârirpâk murdihai le sual thotu murdihai kha fapôl ni an ta:
kha nikhua zuang tung khan anni kha kâng a ti;
a’rzung le a ôn dênin hôi no ni,
Sipaihai Rengpa’n a ti.
2Khannisian, nangni ki’rhming chituhai chunga rêk chu felna misa#4.2: ‘Felna misa’ ti hi, Pathianin a mihai a sansuakna nikhua insîrna a ni, mi dik a ini angin dik taka roi a irêl pena nikhua chu. hong suak a ta,
a thal#4.2: Hi thal ti hi, misa thala zuang êl tihna ang a ni. chu damna ni a ta,
sehrâtte insua angin râifân takin irchôm nin ti.
3Khan mi pualoi kha sirbe ta nin ta;
nikhua ki isiam ngêt hrang nia chu nin kezapha hnuaia khan vâiphin ang dênin an ini ta hrang a ni,
sipaihai Rengpa khan a ti.
4“Israelhai murdi ta hranga Horeb tânga ki ipêk,
roirêlna le thu’nkunghai,
ki siahlo Mosia dân kha inhre mai roi.
5 #
Mt 11.14; 17.10-13; Mk 9.11-13; Lk 1.17; Joh 1.21 Irngai u ta, Rengpa zuangna nikhua ichiom tak le irkhêl
tak makunga khan deipu Elija kha nangni zuang tîr pe ki ti.
6Ama khan pahai lungrîl kha nâihai lungrîl tiang irnghattir a ta,
nâihai lungrîl kha an pahai tiang;
khano’nchu ki zuang hin ram kha khuasâlin zuang hremna lik ki ti”, tiin.
Currently Selected:
MALAKIA 4: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
