IRPHUTNA 6
6
Mihriam laia sualna pung
1Khanchu irnêng chunga mihriam an hong punga, nâilete an hong tamin chu, 2Pathian nâihai khan, mihriam nâihai kha an hmêl a sa ti’n an hmuhaia, khanchu an indit murdihai chu dôngma’n an luahaia. 3Khanchu Rengpa’n “Ki’rthain chu mihriamhai hi kumtuangin chu doihai no ning, anni khom taksa nei an ni sikin, khannisianlân kum irzakhat sômhni chu la dam an ti,” a tia. 4#Nam 13.33 Kha zoro khom khan rammuala hin mi lian an oma, kha zoi khomin Pathian nâihai khan mihriam nâihai irpôlpuiin nâi an neipuihai lai khom khan an oma, hihai hi chu tianlaia mi hrât, mi irhming inthanghai kha an ni.
5 #
Mt 24.37; Lk 17.26; 1 Pet 3.20 Khan Rengpa’n irnênga a mihriam siamhai sual dân chu a’rkhêl hrai a nih ti le, an lungrîl ngaituana murdi hi sual ringot a nih ti a’rhriat suaka. 6Kha tena chu irnênga om hrang mihriam a lei isiam tâk hi a sate’n a’rsîra, lungrîl natna’n a neipui tâka. 7Khanchu Rengpa’n, “Ki mihriam siam, hi irnênga omhai hi inboi ving inlân, mihriamhai, sahai, thilhring hai, chunglêng vahai leh hin; ki siam tâk sikin a sân ki’rsîr,” a tia. 8Nikhomsianlân, Nova kha chu Rengpa mit a tung maia.
Nova thurchi
9 #
2 Pet 2.5
Hiang hin Nova thurchi chu a ni. Nova chu mi feltak a nia, kha laia mihriam sûnga chu Nova chu Pathian le hmunkhata lêngsuam ngai a ni. 10Khan Nova chu nâipasal inthum a neia, Sema, Hama le Jafeta hai an ni. 11Khan, irnêng chung hi Pathian mithmuin a porinche zoi tâka, hnarsana’n a sip tâk sikin. 12Khanchu Pathianin irnêng chung hi a ena, irngai roi a isiat zoi tâk kêng, taksa om murdihai hin an omdân a isiat zoi tâk a ni hi teh a tia.
13Khanchu Pathianin Nova kuang khan, “Taksa murdi hek hrang nikhua chu ki kuang a om ta, annihai sikin irnêng chung hi hnarsana’n a sipa, khasikin irnêng chung hi ki insiatpai hrang tâk kêng, a tia. 14Ni ta hrangin meisâr thingin irkuang siam ro; irkuanga khan banglâi siamin lân; a sûng tiang le a pên tiang meisâr hnâi ni ipol hrang a ni. 15Hiang hin ni isiam hrang a ni, irkuang a dung mûk irzathuma sei ni sianlân, a khang lian chu mûk sômringa ni ri se, a’rsâng lam chu mûk sômthum ni ri se. 16Irkuanga khan tukver khom ni isiam hrang a ni. A chung tiang mûk khat kâra a dâp ni itho hrang a ni. Irkuang inkhat chu a sîr tiang ni inhong hrang a ni. Irkuang chu irchuan inthumin ni isiam hrang a ni. 17Khanchu irngai ro, keima’n taksa nei murdi hringna pai hrangin irnêng chung hi tui ki indîl zit hrang a ni. Irnênga hringna nei murdi that vingna hrangin, 18khannisianlân ki thuthung chu nangma hrangin indet ual ki ta, irkuanga ni ilût hrang a ni, nangma lût ni ta; ni nâihai le ni dôngma le ni moinuhai ni kuang an ilût sa hrang a ni. 19Khan taksa nei murdi, le thilhring laia mi chi tin bop khatin ni kuang an hring theina hrangin irkuanga ni ihruai inlûthai hrang a ni; nupang le pasal an ini hrang a ni. 20Vâhai khom chi tin an irkip hrang a ni. Sa khom chi tin an omdân angin an irkip sa zit hrang a ni. Thilhring murdi a bop irkipin an pung thei nôkna hrang le an hring theina hrangin ni kuang an ihong hrang a ni. 21Khan bu nin inêk le fâk thei zât lâk khômin buk zit ro; nang le annihai fâk hrangin,” a tia. 22#Heb 11.7 Khaang khan Nova’n a thoa, Pathianin a kuanga thu a ipêk murdi zômin a itho tâk a ni.
Currently Selected:
IRPHUTNA 6: HRACLBSI
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.