2 THURCHI SUINA 4
4
Tempil sûnga neinun
(1 Rng 7.23-51)
1 #
Fes 27.1-2
Khan, dâr maichâm a sei lam mûk sômhni a lian lam mûk sômhni, ar sâng lam mûk sômin a sin saa. 2Dâr tuipang lianpa mûk sôma lian, ar sâng lam chu mûk ringa a ni; a lian lam chu mûk sômthum vêl a ni. 3Dâr tuipang pên tiang chu thâr hniin an irvôtira, an irvôtirna chu sehrâtchal irlim a ni, a panga inkhop sa a ni. 4Dâr tuipang chu sehrâtchal irlim sômhleihni chunga irnghatin, inthumin sim tiang an irheitira, hmâr tiang, nisua tiang le nitâk tiang inthu thumin an irheitirhai chita, an hnung irsongsanin. 5Dâr tuipang chu kutzapha dôra irsa a nia, a hner par chu khilât par angin, lili pâr ang hin a para. 6#Fes 30.17-21 Tui irsilna hrang tâbor lian sômkhat a sina, chang tiang ringa a siaa, vei tiang ringa a siaa; annihai kha hâlirvôm thilinhlanna hrang a ni; dâr tuipang rêk chu ochaihai tui irsilna hrang a ni. 7#Fes 25.31-40 Khan, a sin hrang dân a ihril angin rângachak meiser siana sômkhat a sina, biak in sûnga chang tiang panga le vei lampanghai khan a siaa. 8#Fes 25.23-30 Dokâng sômkhat a sin saa, biak in sûnga khan chang tiang le vei tiang a siahaia. Khan, rângachak tâbor lian irzakhat a sin saa. 9Kha ti no khom kholâi ochaihai ta hrang le, a pên tiang uala khom kholâi lian ual ar kul saa, inkhâr lianpa a sin saa, dâr tui leh an luana. 10Khan, dâr tuipang chu simnisua tianga enin ar kula, 11khan Hurama’n, bêlhai, irvut painahai, tâborhai a sina; khanchu Hurama’n a’rzoitir tâka. 12Chopui inhnihai, bêl anga a ring omin, chopui sîpa bêl anga a ring nei inhni tuamna chial chikchak inhnihai, 13annihai tuamna chial chikchak inhnihai hrangin dalim irzaminlihai, chopui sîpa bêl anga a ring nei inhni tuamna hrang chial chikchak ru ruai ta hrangin dalim thuahni hai, 14suankualhai a sina, suankual chunga tâborhai an toitira, 15tuipang inkhat le a hnuaia sehrâtchal sômhleihnihai le, 16bêlhai, irvut painahai, dâr thîrkut le bêlbûr murdihai kha Hurama khan Rengpa in ta hrangin dâr innôt irtêka rêng Solomona isiam pe a ni.
17Khahai kha Jordan phâizôla Sukoth le Zereda pil sungna hmuna, rêng khan a sunga. 18Khaang khan Solomona’n bêlbûr tamtak a sina, dâr chu varh zoi zât ni maka.
19Khan, Solomona’n Pathian ina bêlbûr om murdi chu a sina, rângachak maichâmhai, bai siana dokânghai; 20a iti angin Hmun Irthiang kôla inchok hrang meiser siana hai, meiser hâlin, rângachak fel fâi tak leh a sina; 21Khan, pârhai, meiserhai le meichephai chu rângachak feltaka sin a ni. 22Khan, meiser puan inchepna hai, tâbor hai, mikhe hai, mei lâkna hai khom rângachak feltaka sin sain; khan in sûng lûtna, in sûngrîl uala Hmun Irthiang tak inkhârhai le a in, biak inhai chu rângachakin a sina.
Currently Selected:
2 THURCHI SUINA 4: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.