1 THURCHI SUINA 24
24
Ochaihai sintum
1Hihai hi Arona irchi danghai chu an ni, Arona hin nâipasal minli, Nadaba, Abihua, Eleazara le Ithamara hai an ni. 2#Lev 10.1-2 Nadaba le Abihua hi an pa thi mân nâi nei loiin an thia, Eleazara le Ithamara chu ochai an lei ni tâka. 3Reng Davida’n ochaihai chu an thotum chita pôl isem an nia, Eleazara irchi Zadoka le Ithamara irchi Ahimeleka’n Davida an thopuia. 4Eleazara irchia hin hruaitu hrang pasal an tam sikin pôl sômrukin an irzêka. 5Tempila hruaituhai le Pathian sinthônaa hruaituhai an ni sikin, sintho hrangtu tasânin Eleazara le Ithamara irchihai a dônte’n an thanghaia. 6Eleazara irchihai le Ithamara irchihai chu tasânin sin an irsema. Nethanela Levi irchia mi irziaktu’n, rênghai, hruaitu lianhai, ochai Zadoka le Abiathara nâipa Ahimeleka inhriatpuiin irsin a siaa, ochai laia hruaituhai, Levi irchi laia hruaituhai inhriatpuiin.
7Pôl sômhni minlihaiin hianga irsemin sin an itho hrang a ni, Jehoiariba pôl Jedaia pôl, 8Harima pôl, Seorima pôl, 9Malkisa pôl, Mijamina pôl 10Hakasa pôl, Abija pôl, 11Jesua pôl, Sekania pôl, 12Eliasiba pôl, Jakima pôl, 13Hupa pôl, Jesebeaba pôl, 14Bilga pôl, Imera pôl, 15Hezira pôl, Hapizeza pôl, 16Pethahia pôl, Jehezkela pôl, 17Jakina pôl, Gamula pôl, 18Delaia pôl, Maazia pôl. 19Rengpa Israelhai Pathian thupêk anga an irchi Arona’n an tho hrang tempila an fe le an tho hrang lamhai a hril a ni.
Levi irchia hruaituhai
20Levi irchia in sûngkuaa mi dang hruaituhai chu hihai hi an ni. Amrama irchi laia mi Subaela irchi Jedeia.
21Rehabia irchia Isia,
22Izhara irchia mi Selomota irchi Jahata.
23Hebrona nâi a ulian dônin Jeria, Amaria, Jehaziela, Jekameama.
24Uziela irchia mi Mika irchia Samira, 25Uziela irchi laia mi Mika sangpa Isia irchi Zekaria,
26Meraria irchia mi Mahlia, Musia, Jaazia, 27Jaazia hin nâipasal inthum Sohama, Zakura, Ibria hai a neia. 28Mahlia hin nâipasal inhni, Eleazara le Kisa a neia. 29Eleazara hin nâipasal nei maka, Kisa hin nâipasal inkhat Jerameela a neia. 30Musia hin nâi inthum Mahlia, Edera le Jeremota a neihaia. Hihai murdi hi Levi irchihai chu an ni.
31An sangpa Arona irchihai tho dân ang khan an in sûnga hruaitu tak le a sanghai laia mi inkhatin Levi irchihai laia sinthotu inhriat maina tâ a sâna, rêng Davida, Zadoka le Ahimeleka, ochaihai laia hruaitu le Levi irchia hruaituhai khom an inhriattir ngai.
Currently Selected:
1 THURCHI SUINA 24: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
