Ninge 51
51
A nianga tupas no tunotuno nong i kure ira ut na ninge: Devit ga pit iakan ra ninge na lotu. I hinhinawas utano pakana bung bia no tangesoot Natan ga haan tupas Devit ing Devit gate noh tika ma Batseba.
1God, marse iau
haruat ma no num magingin na harkalak tupas iau nong pai la patpataam.
Ma haruat ma no num tamat na harmarsai,
kap se tano num lilik ira nugu magingin na tabuna mur nianga.
2 #
Ais 1.16; Hb 9.14; 1Jn 1.7,9 Gis ise ira nugu nironga
ma nu gulas ise ira nugu magingin sakena tagu,
3kanong iau nunure tar ira nugu magingin na tabuna taram nianga,
ma ira nugu nironga i la be kis taar menalua tagu.
4 #
2Sml 12.13; Rm 3.4 Iau te gil nironga taar taam, taar taam sen mon,
ma iau te gil nironga ra matmataan taam,
kaik da hatutun ugu bia u takodas ing nu ianga
ma i takodas at mah ing u kure iau.
5 #
Ep 2.3
Tutun saakit, a ut na sakena iau ing di ga kaha iau.
A ut na sakena iau mekaia laah ing no pawasigu ga tianane leh iau.
6 #
Jop 38.36; Snd 2.6; Sav 2.26; Jm 1.5 Tutun saakit, u sip bia no tutun na kis aram narakoman tagu.
A kai narako tagu tano katon i kis susuhai, u hausur iau tano minmintot.
7 #
KBk 12.22; Nam 19.18; Hb 9.19; Ais 1.18 Kapal sare iau ta ira nugu magingin sakena, ma iau nigi nanaas nunuhuan.
Gis iau, ma iau nigi manga ponpon saakit ta ira sinow.
8Iau sip bia ni hadada gungunuama ma ra larlaro.
Ira sur ing u te rigis, iau sip bia diet na guama.
9Suhe no num matmataan ta ira nugu nironga
ma nu kap se tano num lilik ira nugu sakana tintalen.
10 #
Ese 18.31; Ep 2.10; Mt 5.8; Ap 15.9 God, hatahuat aram narako tagu tiga bala i gamgamatien,
ma nu hasigarine aram tagu tiga lon i patpatuan.
11Waak u se hasur iau mekaia tano matmataan taam
bia nu kap se no num Halhaliana Tanuo mekai ho iau.
12Bul habaling no gungunuama tano num harhalon taar tagu
ma nu sukal hadadas iau ma tiga mangana lilik narakoman tagu nong i la kanakana taar wara tartaram ugu.
13Kaik, diet ing diet pai mur harkurai, iau ni hausur diet uta ira num ngaas,
ma ira ut na sakena diet na tapukus taar taam.
14 #
2Sml 12.9
God, halon iau sukun no nugu magingin na harubu bingibing,
augu no God nong i la halhalanga iau,
ma no karamegu naga ingane no num takodasiana magingin.
15Watong, papos ira palabulugu,
ma no hagu na tange ra pirhakasing tupas ugu.
16 #
1Sml 15.22; Nng 40.6 Bia ing u gor guama ta ira hartabar, iau gor tar.
Iesen pau la kanakana ta ira hartabar di la tuntun.
17 #
Nng 34.18
No hartabar nong God i sip i hoken, bia no tunotuno i milo pane ira uno sakena.
God, pa nu malok se
no tunotuno ing bia i tar no magingin na marmaris taam ta ira uno sakena ma i milo mah.
18 #
Ais 51.3; Nng 102.16 Tano num bilai na sinisip, gil hanunuhuan Saion.
Hatur haut ira balo ta Ierusalem.
19 #
Nng 66.13,15 Kaik naga mon takodasiana hartabar,
ma a mon hartabar ing di la tuntun hakidilon wara haguama ugu.
Kaik daga hartabar ma ra tumatena bulumakau tano num suuh na hartabar.
Currently Selected:
Ninge 51: gfkNTP
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
