Ninge 50
50
A ninge na lotu ta Asap.
1 #
Jos 22.22; Nng 113.3 God, no Watong nong i manga dadas saakit,
i la iangianga ma i la taataau no ula hanuo
merau tano tuntunut hut tano kasakes ures tano katon i la sungsuguh kaia.
2 #
Nng 48.2
Meram Saion, no katon nong i melmel saakit,
God i la murmurarang mekaia.
3 #
WkP 10.2; Nam 16.35 No udahat God i hanuat, ma pa na hanuat kunkun.
A iaah na iaiaan haan menalua tana,
ma a tamat na baiangin na luhutane ie.
4 #
Lo 4.26; 31.28 I tataau no mawe kenam naliu,
ma no ula hanuo mah, waing naga kure ira uno matanaiabar hoken:
5 #
KBk 24.7
“Lamus hulungen ukai ho iau ira nugu tunotuno ing diet te tar tutun ira udiet nilon tagu,
diet ing diet ga gil tiga kunubus tika ma iau ma ra hartabar.”
6Ma no mawe i hinawas palai bia God i takodas,
kanong aie at no ut na gil harkurai.
7 #
KBk 20.2
“Ira nugu tunotuno, muat hadoda, ma iau ni ianga.
Iau ni hinawas palai ta ira num saksakena, Israel.
Iau God, no numuat God.
8Iau pai la baboor muat ta ira numuat hartabar,
bia ira numuat hartabar ing di la tuntun ing i la be kis taar menalua tagu.
9Iesen iau pai sip tiga tumatena bulumakau,
bia tiga meme mekaia ra ngasia diet,
10kanong ira kaba rakaia tano malit, a nugu,
ma ira bulumakau ta ira arip na tihtihingan mah.
11 #
Mt 6.26
Iau nunure ira kaba maan bakut ta ira uladih,
ma ira wawaguai tano pitoka, a nugu mah.
12 #
KBk 19.5; Lo 10.14; 1Ko 10.26 Ing bia iau gor taburungan, iau pa gor hinawase muat,
kanong no ula hanuo a nugu ie, ma ira linge bakut narako tana.
13Iau pai la ienien ira uratine ira tumatena bulumakau
ma iau pa ni mame mah ira de na meme.
14 #
Rm 12.1; Nam 30.2 Tar ra hartabar na tanga tahut uram ho God.
Gil haruatne ira num kunubus uram ta Nong i Naliu Harsakit.
15Ma nu tataau tupas iau tano pakana bung na harangunngutaan.
Iau ni halon ugu, ma nu pirlat iau.”
16Iesen ta ira ut na sakena, God i tange,
“Wara biha nu tange mur ira nugu harkurai
ma nu tange mah bia nu gil haruatne no nugu kunubus?
17 #
Snd 12.1; Rm 2.21,22 U malentakuane ira nugu dadas na nianga,
ma u se ira nugu nianga menamur taam.
18 #
Rm 1.32
Ing u nas tiga ut na kikinau, u tur tika mei,
ma u lon tika ma ira ut na hilawa.
19No haam i tange ira saksakena,
ma no karamem i hatahuat ra hinarabota.
20Hait at mon u la iangianga wara hagahe no tasim,
ma u tange ira linge pai tutun tano natine no pawasim tutun.
21 #
Ais 42.14; 57.11 Kaiken ra linge u te pakile, ma iau kis kunkun taar.
U lik bia iau at mon hoing augu.
Iesen iau ni boor ugu
ma ni tung ugu ra matmataan taam.
22Lik murmur iakan, muat ing muat luban God,
iau kabi gisiane muat ma taie tikai wara harharahut.
23 #
Hos 14.2; Hb 13.15 Nong i tar ra hartabar na tanga tahut, i ru iau,
ma i tagure no ngaas waing iau nigi hamines no harhalon ta God.”
Currently Selected:
Ninge 50: gfkNTP
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
