Ninge 147
147
1Da pirlat no Watong.
I bilai saakit at bia da pirlat no udahat God ma ra ninge.
Da kap ta gungunuama ing da tar no pirhakasing nong i takodas bia da tar tana.
2 #
Lo 30.3; Ais 11.12; 56.8; Ese 39.28 No Watong i hatur habaling Ierusalem.
I lamus hulungan ira Israel ing diet gate kis tapaka hoing ra karabus.
3I hamaram diet ing diet tapunuk,
ma i pulus timaan ira udiet unien.
4 #
Ais 40.26
I te lik tar bia aise tiding bakut na pakile,
ma i te pas bakut tar ira hinsa diet.
5 #
Ais 40.28
A tamat saakit no udahat Watong ma no uno dadas i manga tamat.
Pai tale bia da was no uno minmintot kanong i tamat saakit.
6No Watong i sukal haut diet ing di helar ta diet,
iesen i se hasur ira ut na sakena taar tano pise.
7Dahat na tanga tahut tano Watong ma ra ninge.
Da ting no gita uram hono udahat God.
8 #
Jop 38.26,27 I kasar no mawe ma ra bahuto.
I tabar no ula hanuo ma ra bata
ma i gil no pitoka gi kubur ta ira uladih.
9 #
Jop 38.41; Mt 6.26 I tabar ira bulumakau ma ra nian
ma ira nat na maan mah ing diet na tataau.
10 #
Nng 33.17,18 No uno gungunuama pai iakaike tano dadas ta ira hos,
huo mah, ira dadas ta ira umri pai haguama ie.
11No Watong i guama ta diet ing diet burtei,
diet at ing diet bul ira udiet nurnuruan tano uno harmarsai nong pa na pataam.
12Muat me Ierusalem, i tahut bia muat na pirhakasing no Watong.
Masa, muat me Saion, muat na pirlat no numuat God.
13 #
Neh 3.3; 7.3 Kanong warah, i hadadas ira matanangaas ta ira balo tano numuat pise na hala,
ma i haidane muat ing muat kis kaia ta iakano pise na hala.
14I bale no malum tano numuat katon na pise bakut,
ma i tabar hahos muat ma ra bilai na wit.
15I tule se ira uno nianga ukai hono ula hanuo
ma asa ing i tange i hilau gasien.
16 #
Jop 38.29
I palase no sinow hoing tiga pupulus
ma i se harbasiane ira ais taar tano pise hoing ra tahuna iaah.
17 #
Jop 37.9,10 I se hasur ira uno bata na ais hoing ra pat na wana.
Sige i tale be na petlaar no tamat na madohon i tule sei?
18I tule no uno nianga ma ira ais i pola.
I puuh hatatik ira dadaip ma ira taah i saal.
19 #
Mal 4.4
I te hamines ira uno nianga tano huntunaan tane Iakop.
I te tar kaike ra hartula ma ira uno harkurai taar ta diet ira Israel.
20 #
Lo 4.7,8,32-34; Rm 3.1,2 Pai gil baak huo ta ira mes na hunhuntunaan.
Diet pai nunure ira uno harkurai.
Da pirlat no Watong.
Currently Selected:
Ninge 147: gfkNTP
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
