Popular Bible Verses from Ciyubunuzyo 5

Share

Mpawo bakaimba lwiimbo lupya lwakuti, Nduwe uuelede kubweza ibbuku, Akunamatula zinamatizyo zyalyo. Nkaambo nduwe wakayaswa akutufutula kuli-Leza abulowa bwako, Swebo tebantu bamisyobo yoonse amilaka yoonse amikowa yoonse, azisi zyoonse

Bakaamba ajwi ipati bati, Uelede Mwanambelele iwakajayigwa, Uelede kutambula bwami abuvubi abusongo, Anguzu alulemeko abulemu azilongezyo.

Akutubika mbuli bami abapaizi ba-Leza wesu, Nkabela tuyooendelezya ansi.

Alimwi ndakaswiilila balenge boonse bakujulu abaansi abakunsi anyika abamulwizi, azintu zyoonse zili mumo, balaamba bati, Zilongezyo alulemeko abulemu anguzu, azibe kulinguwe uukede acuuno cabwami aku-Mwanambelele lyoonse lyoonse.

Elyo umwi wabapati wakandaambila kuti, Utalili. Bona, Mulavu wamusyobo wa-Juda, cisyuukila camuyanda wa-Davida, nguwe iwakazunda kuvununa ibbuku akunamatula zinamatizyo zili musanu azibili.