Popular Bible Verses from Deuteronomo 6

Share

Uleelede kuyandisya Jehova Leza wako amoyowako woonse, amuuya wako woonse, anguzu zyako zyoonse.

Muleelede kwaaiyisya bana banu, akwaambaula ngawo lyoonse, ciindi cakukala muŋanda aciindi cakweenda munzila, ciindi cakoona aciindi cakubuka.

Nkabela aya majwi ngendamulailila buzuba obuno abe amyoyo yanu.

Swiilila, O Israyeli, Jehova ngu-Leza wesu, Jehova ngumwi.

Amwaange mbuli citondezyo kumaanza aanu ambuli ciibalusyo akati kameso aanu.

Amwaalembe azikunguzyo zyamaanda aanu akuzitendele zyanu.

Amuyoowe Jehova Leza wanu, amumumanine milimo, amukonke muzina lyakwe.

Lino Jehova Leza wanu naayoomusisya kunyika eyo njaakakonkezya kulibamauso, Abrahamu a-Izaka a-Jakobo, kumupa, kuminzi mibotu mipati njemwatakayaka, kumaanda aazwide zintu zibotu ngemwatakazuzya, kuzikala zisidwe nzemwatakasya, kumyuunda yamasaansa ayamaolifa njemwatakabyala, lino nemuyoolya akukuta, amucenjele kuti mutalubi Jehova iwakamugwisya munyika ya-Egepita amuŋanda yabuzike.

Njeeyi milazyo amalailile ambeta Jehova Leza wanu njaakandilailila kumwiiyisya, kuti mwiicite munyika eyo yamutala njemuyoovuba, kuti muyoowe Jehova Leza wanu, mubambe imbeta zyakwe zyoonse amilazyo yakwe yoonse njendamulailila, nywebo abana banu abana babana banu, mazuba oonse aabuumi bwanu, kuti muongole.

Amucite ziluleme azibotu kumeso aa-Jehova, kuti mukale kabotu, munjile akuvuba nyika imbotu Jehova njaakasyomezya bamauso

nkaambo Jehova Leza wanu uukede akati kanu ngu-Leza sibuzuba; kuti bukali bwa-Jehova butamubukili, atamunyonyooni ansi.

Mutatobeli baleza bambi, baleza babamasi bamuzyungulukide

Mutasunki Jehova Leza wanu, mbuli mbumwakamusunka ku-Masa.