Popular Bible Verses from ROMANOS 12

Share

Agüɨye mo peiko añave ipɨa jemimbota reño yogüɨreko vae rami. Peipoepɨ peyemongeta, oyepoepɨ vaerä vi peikogüe vae jare peikuaa vaerä Tumpa jemimbota re; jae ko ikavi yae vae, omboyerovia vae, jaekavi yae vae.

Jáeramo, cherɨvɨ reta, pomoñera Tumpa iporopareko rupi, pemee chupe perete, mɨmba oyeyukagüe Tumpa pe oñemee rami, peñeñono tee chupe, jae omboyerovia vae. Echa jupi ko körai añetete rupi pemboete vaerä Tumpa.

Peäro yandeYa peyerovia katu reve. Pepɨaguasu peiporara yave. Peyerure avei Tumpa pe.

Agüɨye eñemoamɨriuka ikavimbae pe. Jaeño ikavimbae emoamɨri ikavi vae rupi.

Peyoaɨu oñoëtara ete vae reta rami. Pemae kavi oyoe peyomboete reve.

Peyoaɨu añetetegüe rupi. Pemotareɨ ikavimbae vae, pemomoe ikavi vae.

Pepuere rupi peiko kavi mbɨakatu rupi opaete vae ndive.

Cherɨvɨ reta, agüɨye pe etei peeka peyepɨ vaerä mbae ikavimbae vae oyapo peve vae kotɨ. Pemaeño Tumpa toiporarauka chupe. Echa oyekuatía oï körai: “Oiporarauka vae ko che. Che tamboekovia chupe.”

Peparavɨkɨ peakɨmbae reve. Peräta ngatu avei peyeokuai yandeYa pe.

Tumpa ipɨakavi rupi oñemee cheve vae rupi jae peve kuae: Agüɨye kia ave toyemongeta iyé tuicha yae ko vae, jókuae güɨnoi vae güi. Ërei metei ñavo toyemongeta kavi iyé Tumpa omee chupe mborogüɨrovia rupi vae re.

Ikavimbae vae oyapo peve vae pe, agüɨye pemboekovia ikavimbae vae pe. Peeka peyapo ikavi vaeño opaete vae jovake.

Metei ramiño peiko oyoupii. Agüɨye peyembotuicha, jaeño peyea iparavete vae reta ndive. Agüɨye pearakuaa yae pemae peyé.

Jayave, oyovaicho ndekotɨ vae iyɨmbɨaɨ yave, emee tokaru. Jare iɨuve yave, emee toɨu. Echa jökorai yave, jova pɨ̈tata imara güi.

Peñee kavi, ikavimbae oyapo peve vae reta kotɨ. Peñee kavi, agüɨye peyepopeyu jese reta. Pevɨa katu, ovɨakatu vae reta ndive. Peyaeo, oyaeo vae reta ndive.

Oporogüɨrovia vae oata mbae re vae pemborɨ. Pemboresive kavi mboupa.

Echa metei yanderete re ñanoi jeta mbaembae, ërei mbaetɨ metei vae ave oyovake iparavɨkɨ; jökorai ko yande, yepe tëi jeta yae, ërei yayeapo ma metei jeteño Cristo re, jare opaete vae ñaï metei ramiño ïru reta ndive.