Popular Bible Verses from Genesis 37

Share

Aria, haen laa Josep nug tulppa keeke laa anttom. Anttowa amu, nug awakkud amelagppa a, ag nuhignu nau ninig ele doon tuɗitteg, okkainab meum.

Laa ele amu, Israel nug Josep awakkudnu oo mauhom, amge nug kaino me, nug Rahel ele Josep menupiɗ amunu, nug Josepnu oo huanak mauhom. Nug Josepnu oo huanak mauhom amunu, nug lamen elab enanagnab ha, Josep mettom.

Josep awakkud ag mamelag nug Josepnu oo mauhak okkainab dootte, ahilagnu doyom eɗittak doyegeg, ag Josepnu nau ninig ele doon, nug ele nai ena ii madittappig.

Amu Josep Nug baula tulppa keeke antta, nug awakkud amelagppa aum. “Doyeg! Da tulppa keeke laa anidmi. Haen imu amu, aam, kalam amu hoɗoppai 11 ele ag dahilppa gomelegeg anidmi,” awa aum.

Anam amunu, nug awakkud ag nuhignu, ihinigppa anam doolon dabmak aɗan daappig, amge nug mameg nug Josepnu tul niiak amu dabmakppa me dayom.

Nug inam aum. “Da tulppa keeke anidmi, da amu appi doyeg! Ig dad okkaippa ee aeg ikki, gumu ele ehakkadta, ehag dahil nug hibaitta dayeye, ahilag ehag amu dahil talilidna gomelppig,” awa aum.

amunu, ig qepput mauheb, moɗ gamag naɗippa buɗipput ukkaɗ! Anam hewota, ig, ‘Doɗ dakkuɗ qe mauhom,’ aot mattignig. Ig anam hepput, tul niiak nuhignu meu am ii bema,” aon appig.

Ag nai anam qakkaeg, Ismael buɗub ag keeke laihnu awa dadennu mak danab amu, ag uɗieg, Josep awakkud ag Josep humaeg be, Ismael buɗub mattaeg, ag 200 gram silwa madappig. Anam daden mewona, ag aon Isip goppig.

“Ahappeg, tul niiak danab uɗitte

Amu Josep anam ugekke, nug awakkud ag neekkeg ukke, Josep nug uma uɗieye anidna, ag qekkulagnu nai inam akka akka madippig.

Ig nug tiig ii gokkaɗmata. Buɗippeg, atu taɗak imuppa moɗppaib nokku, amge guittak aib medappig,” awa aum. Ruben nug Josep ehanitta, nau amuppa ii daamanu, mameg toppa omala gokkunu oo dayom amunu, nug anam aum.