Popular Bible Verses from MARK 6

Share

Kahtalan maawe peipu hei taipu ngoh, tüone menge Jesu hei I pinlan hahlak hipak nehoi yetüo. Tüokhei Iye imante i, “Hipak ütenja toloi meilak jingne nyoijing ja te teman hüng taihah.”

Hüwante Jesuwe imante i, “Hipa ja I nyupuh chingshao, hüyange Ipheipu hüyange I yoi noksa kaiye kenphe me wangshüm yehüope yengoh.”

Aope lisheng mepu Jesu yu, Iye kahta üngang nge, hüyange iman jingne I mongjang me yayenge teih, hangjingne nyee yompa yenangpu nyeelanke iman nge. Tüokhei Iye ülam maawe imante nyüowe wang.

Tüoye me dakpa ütamte yakke jonne hüyange meiye tampu tokte kaiye Iye yashan toi hango lingpu ye-ok. Iman me ütinglakpu yenangpu te I yeonge yashan. Tüophei me Jesuwe kahtalan te konnyüowe chingshao lante ngoiye kem.

Tüophei me Jesuwe ankhüo nga, nyah ni jon, wangte lei, hüyange Kahwang te minyong pha. Iye an khoih hüyange kahtalan te tamtüoh she Iye pinlante pha. Iye nyah ni-o iman üsheite tamme pha. Kahta liliye hah hüyange moh. Tüophei me pinlan-e muhto penme ni maawe an hei nyah topu shaijem.