Popular Bible Verses from MATTHEU 7

Share

“Yutüoh, hüyange hatüo numante yahphalak: yamtüoh hüyange numan-e tüolak, kongtüoh hüyange hatüo numan jingne epphalak

Hangjingne aoyinne tongnang iman liliye tüonang, aoyinne yamnang tüonang; hüyange aowe kongnang I jingne eptamlak.

“Aoyinne ü-ngao hatüoyin jai hüyange ling kentamongtingpu kahta aowe longnyu tangme nok we, I leye ngohlak

“Kahtalan-e numan-e yah hupu hangyin numante lingne tamhu nang, imante-o ling tamtüoh, hangjingne Ngaokeng hüyange hipalan ngao hatüo ngoh nang.”

Hangjingne üyin lamnyuwa pejong shehitpu kaiye hüyange tüophei yeonge wanpu lam tüokhei tüopa ngepulan-a üjingha hei ngoh nang.”

“Pejong shehitpu te yutüoh, hangjingne pejong yongpu hüyange lamnyu khaopu kaiye mahlak lam, hüyange aoyin tüopa lamte tainang iman maawe ngohnang.

Hüma-a numan, aoyin yemei, numan hayimlan te hünghao ümei phalak shingma-a, wangdang me ngohpu numan üpawe Ite yupalan te hünghao ümei phalak hangshin shinglak!

“Numan te ngao yephün tamlak jingne numane-o ngao tahphün: Hangjingne numan-e mih ngao phün pu kih numan te ngaophün lak, hüyange mih jingne hanghe toklak numan-e jon tüopa toklak numan jingne-o jonlak.

Hüyange aoyinne ü-ngao hatüoyin jai hüyange tüolan yeling, pheih tangme nokwepa üngapa kahta kih nanglak.

Hangne nange yoi mükme ngohpu mak (pesho) yeteih tüope nang jeihei nao mük me ngohpu müksa te lei nangki? Yejema-a nang mükme müksa ngohyange, ‘taowe nang mük mepu mak winpha ning’ she nange nang jeihei naote hangke ilak?

“Tahleih hipalan jingne numan kenting yah, aoyin nyee o oyange numan tangte peinang hüyangpoi ümongme phuh hahlak sholan kih ngohnang. Iman ülicklan me numan-e iman-a shinglak. Kahtalan-e wuwünglick huhwu mepu, yejema-a phuklick shongshanwu mepu khai nang kü a?

Tüokih-e, pee ümei liliye ülick ümei licknang, hüyange pee ümenglan-e ülick ümeng lick nang.

Pee ümei ja me ülick ümeng lickne ye-ok, yejema-a pee ümeng me ülick ümei lickne ye-ok.

Pee lili hanghepawe ülick ümei yelick hatüowa aknang hüyange vün me shüpnang.