Popular Bible Verses from MARKUS 6

Share

Laʹa moʹ kadoʹ aleʹ kelunan kina, tai palai uleʹ, nai pe palai laʹa, pa abeʹ Yesus de telu pe abeʹ un biʹen ke uman. Ina ukoʹ Yesus pisiu ida telu, un dau ue: “Tiga ne ilu tai tengen le neng ca ukoʹ iaʹ lenga, idi le senteng ke ngelineʹ ngan penteng lelat cem telu.”

Un dau Yesus mida: “Ukoʹ baʹan ca pegawa Allah, kempi kempi ketai ie, dulu ke nyelama ha. Bang kaʹ lepoʹ o tengen, ngan neng ahang diaʹ pengamin ne ngan cenganak ke, iaʹ abeʹ un selama dau neng ia.”

Dalau Yesus tai pejakaʹ cen alut, kun ne taʹan seʹ mpun kelunan dina. Bioʹ tekaʹ penyaheʹ e neng ida, moʹ un diseʹ de koʹ baʹan mpun dumba iaʹ abeʹ un aheʹ iaʹ ke nubo ida are. Sulo Yesus nading pekatuk ida, man kadoʹ naʹan katuk.

Abeʹ Yesus ubaʹ ke uyan puyan nyingan kina. Bang kediʹut le diaʹ sakit ia napoʹ ujoʹ o ngan paget ida. Ketoʹ aleʹ ne tekaʹ Yesus moʹ kimet de are ubaʹ ke ngelan dau ue. Sulo tai Yesus naʹat singket lepoʹ iʹut pipa kina ke pekatuk ida.

Sulo Yesus alaʹ lema luʹung ruti paun dina, peging ngan sihai atuk dua dina are, sulo ho nekadaʹ kaʹ langit, ngan nyuaʹ tiga saheʹ e me Tuhan Allah. Kun ne mepeʹ luʹung ruti dina are, ngan naʹ a me diaʹ bayaʹ katuk ke, cuk ida patu ue me kelunan dina. Pekina pe Yesus petulat sihai atuk dua dina are me dulu mung. Mung nte uman pa beso. Sulo tai diaʹ bayaʹ katuk Yesus nemo laʹa ruti ngan atuk dina are. Puloʹ dua ingen ban laʹa ha.