Popular Bible Verses from Maˍkuˆ li‸ 5

Share

Yeˍsuˆ yawˇ hta‸ kʼoˆ piˇ ve, Yaˇ miˇ-oˬ, nawˬ yonˍ ve teˇ ceuˬ lehˬ, nawˬ hta‸ na-e la piˇ peuˬ. Dawˇ sha ve awˬ hkʼaw lo kʼo‸-e loˬ. Nawˬ hta‸ chehˇ sha la piˇ peuˬ teh‸ kʼoˆ piˇ ve yoˬ.

Teˇ chi nyiˇ hkʼaw‸ hkʼa gaˬ awˬ suhˍ ya‸ la chehˇ ve yaˇ miˇ teˇ gʼaˇ cawˬ ve yoˬ. Naˆ tsuhˇ shehˍ hpaˇ laiˉ gʼaˇ ve la‸ sheh awˬ hkʼaw lo yawˇ laiˉ ceuˬ gʼa hkanˍ jaˇ peuˬ. Yawˇ hkʼa cawˬ ve hkʼa peu-eˬ hta‸ yehˇ peuˬ htawˇ, yawˇ a ciˉ ka‸ maˇ na-e la ve awˬ hkʼoˆ, a naˍ oˇ ve shaˬ te shaˬ kʼaw‸ jaˇ la ve yoˬ.

Oˇ htaˇ, yawˇ awˬ suhˍ ya‸ la ve teˇ cawˬ haˉ cheh sheˬ leh, yawˇ na-e la peuˬ ve hta‸ yawˇ awˬ to shiˍ ve yoˬ.

Oˇ htaˇ, Yeˍsuˆ yaˇ miˇ ehˉ ve la‸ sheh hta‸ vawˆ leh kʼoˆ ve, Taˍliˇtaˍkuˇmiˆ. Tawˇ oˇ ve tcuhˉ kui lehˬ, Yaˇ miˇ-oˬ, ngaˬ nawˬ hta‸ kʼoˆ laˇ ve, tu la-o teh‸ kʼoˆ ve yoˬ.

Yawˇ oˇ hkʼe kʼoˆ chehˇ htaˇ, bon yehˬ awˬ hoˉ teˇ gʼaˇ ve yehˬ lo laˬ ve chaw teˇ hpaˍ kʼoˆ ve, Nawˬ ve yaˇ miˇ suh peuˬ. Aˬ hto‸ ma te Saˍ la‸ hta‸ kʼaw‸ sho‸ sha‸ piˇ ve le. Tawˇ hkawˇ oˇ ve hta‸ Yeˍsuˆ maˇ na leh, bon yehˬ awˬ hoˉ teˇ gʼaˇ hta‸, Taˇ dawˇ haˍ. Yonˍ ve tiˇ te-o teh‸ kʼoˆ piˇ ve yoˬ.

Awˬ lawn kʼo, Neˇ cha‸ chiˆ-oˬ, yawˇ awˬ hkʼaw lo tawˆ kʼai-o teh‸, Yeˍsuˆ yawˇ hta‸ kʼoˆ piˇ ve hta‸ pa taw yoˬ. Nawˬ aˬ hto‸ ma meh le teh‸, Yeˍsuˆ yawˇ hta‸ na nyi htaˇ, Ngaˬ hui maˇ jaˇ ve pa taw, ngaˬ ve awˬ meh lehˬ Leˍjonˍ yoˬ teh‸, yawˇ Yeˍsuˆ hta‸ kʼaw‸ kʼoˆ piˇ ve yoˬ.