Popular Bible Verses from Mga Talinhaga 16

Share

Idusay mo sa KAGURANGNAN an gabos mong gibo, asin maootob an saimong mga plano.

Minaplano an tawo, alagad an KAGURANGNAN iyo an minagiya kan saiyang mga lakad.

An marahay na mga tataramon nakakaagid sa dugos—mahamis sa pagnamit asin marahay sa hawak.

Nasa tawo an pagplano, alagad nasa Dios an huring tataramon.

Mas marahay an magin pasensyoso ki sa magin mapangyari. Mas marahay an pagpugol kan sadiri ki sa pagdaog kan bilog na syudad.

An kapaabaw-abawan minabunga nin kapahamakan, asin an kapalangkawan nin pagkahulog.

Naghohona an tawo na tama an gabos niyang ginigibo, alagad tinitimbang nin KAGURANGNAN an tunay niyang katuyohan.

An naghihinanyog sa katukdoan magigin mauswag; paladan an tawong nagsasarig sa KAGURANGNAN.

Mas marahay an kadikit na kwarta na pinagpagalan ki sa kadakul na nakua sa pandadaya.

Igwa nin dalan na garo matanos sa paghiling nin tawo, alagad kagadanan an nasa poro kaiyan.

An tawong biko an kaisipan nagpapalakop nin iriwal, asin an matabil nagpapasuhay nin magkatood.