Popular Bible Verses from Mga Talinhaga 10

Share

An bendisyon nin KAGURANGNAN nakakapayaman, asin dai niya iyan dinadagdagan nin kamondoan.

Kun mas dakul an tataramon, dakul man an kasalan; an igwa nin marahay na isip, bakong matinaram.

An pagkaongis danay na naghahanap nin iwal, alagad an pagkamoot iyo an nagtatahob kan gabos na kasalan.

An pagigin hugakon iyo an madara saimo sa kadukhaan, alagad an pagigin mahigos iyo an mapayaman saimo.

An naghihinanyog kun sinasaway mabubuhay, alagad an dai minaako kan saindang kasalan nasa pag-alaman.

An naglalakaw sa katanosan naglalakaw na matiwasay, alagad madadakop an may bikong pamumuhay.

An pagkatakot sa KAGURANGNAN nagpapahalawig nin buhay, alagad halipot an mga taon kan maraot na tawo.

Dai pinapabayaan nin KAGURANGNAN na magutom an mga matanos, alagad an kamawotan kan mga tawong maraot dai niya itinutugot na mangyari.

Minaabot an bagyo asin ipinapalid an maraot, alagad an matanos danay na ligtas.