Popular Bible Verses from Mak, echî 13

Share

Ane chénchén tîk á bhân ên ka obhô obhámé. Kən kpe énê nnyo á kəp ḿbə́ŋé ta ntə̂m a sî, tîk a sêm.”

Kô ên ebhú, gyímí ên ibhábhé, ka ebhú nchane ó ka riŋí ên.

Ebhú-ebhú á fi ên á jak ka esup, deê o kâ káre ên biji oseŋe ka ejûm nji o kí chot ên ka ebhú áji. Ebhú é si, chot ên nji-nji é fábhe ên ka nnyo. A ri Obhasi Ebhare Ntʉgantʉ nâ á kpok áno ochot, ên asík.

Ósô na nsi tîk í chîŋ, kən ejámé nji ń chot ka nnyo, é bhó chiŋ bhúghí-bhúghí.”

Jisos se, “Kpe nne yót á ka riŋí ofú na mfoné-mfoné ebhú nji iyîm mbí chénchén í kí fap. Kpe baénjel á ká riŋí. Kpe Mmon Obhasi á ka riŋí. Obhasi Ńsé átíŋ nâ a riŋî.

Deê efup é kâ yîm ên ebhú ó yuk ên agûn enok noŋ á kí gbo, o yûk ên esə́re enok nji é kə́ bha mbá-ochî. Iyîm ábhi í fóne ka efábhám, kən áji é ká fap sê nâ ntə̂m a sî.

Nâ gyími ên mân ka ibhábhé, ka ó ka məŋé ên ebhú nji ńsé njû a kí chəbhé njəm. Kən a kə́ bha na egu aŋ, kən na étíŋanti atʉ́ aŋ, kən na ábhə́m aŋ, kən ta ofú ó wʉ́ŋi aŋ, nne nnyo a məŋê cháŋ. Ájoé a bhâ gbantə́m, é ká nop a kpúghí ên ka eyô. Ka ekpak nji ń səra ên áno, nâ ekpak fə́ne nji n kí səre ane fép ka ngun bəre á gyímí ibhábhé.”

Tîk nték a yə̂m enok na atem, atúi á nôk na atem atúi. Ngun tîk a kə̂t a nyiŋá onyiŋí ka ngûm ka ngûm. Ekpatə́m í njaé tîk a bhák ka ngun. Kən iyîm mbi chénchén í rî noŋ eróghá-ndə́p ojî mbi ó kí nok nne-nkáé.

Kən kpe bhaghé ejûm nji é kí fap, deê ó mə́ŋe ên sê otîp ogyebhá-ḿbə́ŋé ó rî ó sí nték i ngun chénchén kən kpe ngun a man.

Ka nan? Ane etî-etî tîk á bhak ka mbiŋ amé á səra sê, ‘Mme a ri nne ányo.’ Tîk á ríri ane etî-etî.

“Kən ên áfoné, kó ebhú. Tîk á kô ên á kâk ka esup, á tə̂m ên ka óchâm Obhasi. Ka obhô obhámé, tîk o gyími ên ka ochî atúi-ofâm na ane mba á fíi ikom eték, o káre ên otîp ogyebhá-ḿbə́ŋé Obhasi.

Echî aŋ? Tîk ane áfúbhí á bhak mba á kí səre sê ábho a ri nne nnyo Obhasi a túmi se a bhá yim ngun á sém. Tîk mba tat á bhak mba á kí səre sê ábho a ri akará-otîp Obhasi. Ntʉ́ghi ane mbá tîk á tóŋe biriŋ, á yîm ntûm okpógha-biji sê á nôk á ríri ane mba Obhasi a sáŋe, kən chichi.

Jisos a kpô chot se, “Ebhú oseŋe mbí ó man, ejírim tîk é gbô ka njúí, nnyam-ósô a rô yá. Tîk ńdʉnândʉ ósô ń dôt ka ngûm nnyi ń dî ḿ gbô. Nkom fə́ne chénchén mmi ń dî ka ósô ń yóŋe bibhə̂k ábho.