Popular Bible Verses from Máàrk 6

Share

Nùb ya du féínkwànɨ ŋgábè ɓe nùb ya du ŋgáb éímbɨ́niì yaá ví̧i̧ cei, mvókín ŋgáb taŋ cɔɔ̀ŋ ya nɨ́ ɗàɓàwá. Àm kɨ́ á Yésù ya tana nɨ̀fuùb noò ɨnè: «Gonáam, nɨ́m gɨ̀ná gə́nȩ̀ȩ́ yá nɨ̀vɨ́tɨ̀b du ɗàwáá nyí a ùwèhè ŋgób» lu.

Á Yésù tana ŋgáb: «Yá kùb pə́təəŋkɨ́ tɨ́kìn Mèèín á nɨ ŋgə́ nɨ̀mɨrí kwé, gbàŋ ŋgéé no, ɓe ŋgə́ nɨ̀mɨ́rí yó.»

Ɓwâ Yésù ya fó̧ kwánnè, ŋgə́ ɨ́ pê mɨ̀kwìn kàm nɨ̀vɨ́tɨ̀bì. Mwàm ɨ́ bì ŋgə́ ɓe ɨ́r ŋgábè ɓetí ŋgáb yaá hȩ jírɨ́b du ɓe nò gə́tɨ ŋgábè ɗàwáá. Kí á ŋgə́ yaré ŋgáb tɔ̀ɔ̀nɨ nɨ́ɨ́b ví̧i̧.

Ɓè kɨ́ ŋgə́ ya nɨ́ ɓe nyòm ŋgə́ ndɨŋ nɨ́m sɨ̀sɨ̀rí mwi̧cáŋ ti ɗàwá. Ŋgə́ ya wáaŋɗóhií nɨ̀yáb cutɨ́b kù ɓe hèìwû ŋgáb ŋgáár ŋgwéné. Ŋgə́ ɨ́ sɨ̀rɨ̀ɓà cei hȩ ŋgáb ya du bɨ́ ɓe ə́ə́m ɗàwá kɨ́. Kí á ŋgə́ ya gɨ̀ndóŋ kwɨ́ì génèné no, tɔ̀ɔ̀sénɨ àm Mèèín.

Kí á Yésù ágɨ bɨ̀rê ŋgiì ɓe həré bɨrɨ́b lè. Ŋgə́ ɨ́ ŋgèèwî íí còóm, ŋgə́ ɨ́ sáktè Mèín. Ŋgə́ ɨ́ kùùmè bɨ̀rê ɗà ŋgə́ ɨ́ nà nɨ̀fuùb noò ŋgáb gɔ̀knà nɨ̀vɨ́tɨ̀b. Ŋgə́ ɨ́ gɔ̀knàɓwê nùb lâs həré bɨrɨ́b lè. Nùb lâs ɨ́ tàŋ, ŋgáb ɨ́ fùb. Nɨ̀fuùb Yésùù ɨ́ ɓáàcù kumsiì bɨ̀rê ɓe kɨ́b həréé yi meré há̧á̧ lɨ̀ŋtɨ̧̀ cóóŋ ɨ́ bɨrɨ́b.