Popular Bible Verses from Máàrk 13

Share

Nùb lâs ɓa nyí ɓə̀ndɨ̀nɨ ɓe àm moò á. Ɨ́dù nò kwá jíhɨ há̧á̧ cáŋhɨ̀rí, kwá ɓáí.»

Nyí síí ɗàá lèèséwa, dùlɨ́ŋná nyaaŋkí̧i̧ ɓwâ lâs, ɓetí nyí tɨ̀ nɨ ɗə̀ə̀ŋwá ɓwâ nɨ́m kɨ́ kwá féínndé.

Ɓwâ kùb ɓa nyí bɨ̀gènɨ ŋgù̧ní, nyí nɨ nɨ́m nyí ɓa nyìnnɨ kwe máa mâ, ɨ́dù nyinnáam nyindí ɓa nyí gònɨ ɓɔ̧ɔ̧ ɓwâ kɨ́ rɨ, ɓetí nɨ nyí nɨ̀miib sé ɨ́ ɓa nyìnnɨ, Nyéhè Sarîn á nɨ ru.

Ɓɨɨr ɓe ɗɔ̀ɔ́b ɓa bɨ cɔ̧́nɨ á, ɨ́dù nyindí móò tɨ̀ nɨ cɔ̧̂.»

«Ɨ́dù ye ɓe mvókín nɨ́m kɨ́ ɓa nó féínniì; dùgɨ̀ dùgallɨb Mèèín, dùgɨ̀ mwin Mèèín, nò kù nɨ ɗə̀ə̀ŋwá, jɔ̀ sé Tá ɨ́ ɗəŋhȩ.

Ɓwâ nyí kwá ók àám su du kə́sə́ə́ ɓe péìn kɨ́b du cóo, nyí nɨ vùù ô ɗú nɨ́ɨ́b kɨ́ ndɨ̀ŋhá u̧ á. Ɨ́dù tɨ̀ nɨ cáŋhȩ̀ ɗɔ̀bí dùtàm.

Àm kɨ́ á du ɗúnɨ nyí dùkɨ́ ɓwâ lâs jáŋ, ɓetí nyí nɨ ɗə̀ə̀ŋwá ɓwâ tá dúhéé ɓa gòcùniì; ŋgə́ yè ɓa gònɨ lɨ́tɔ̧ɔ̧́ kè, yè cɨ́m tə̧ə̧́ kè, kɨ́ kù yesə̀rì, kɨ́ kù yekɨ́rɨ̀b kè. Gə́tɨnáam, á sàmàìn ŋgə́ féín ɓwâ nyí du lə́ə̀mkɨ́nɨ ɗàwáá, nyí á cè wumí. Nɨ́m mɨ tana nyí ɗàrɨ́, mɨ tanaɓwée nɨ̀vɨ́tɨ̀b lâs á: dukɨ́náam jáŋ!»

Gbɨ̧̀ kwá leecu su ɓe kùùŋ, ɗà ti a gàìnɓwê kùùŋ su; jɨ̀hèé ɗɔ̀bí kwá du mɨ̀yɨ́b ví̧i̧, ɗà ŋgàk a gù. Nɨ́ɨ́b kɨ́ kwá du hȩ yààr yíìnɨ́m fù̧ní.

Á ɗúyàyènɨ kùb ɓéènà gbàŋ lâs Kìn Nyɔ̧ɔ̧́.

Nɨ̀vɨ́tɨ̀b ví̧i̧ kwá go ɓe ɨ́r moò só, ŋgáb a tà: ‹Mɨ Mèsî á!› U̧nè á ŋgáb kwá mbáaŋɓa nɨ̀vɨ́tɨ̀b ví̧i̧.

Gə́tɨ̀náɓà nɨ. Kùb ɓa nyí dɨ̀ɨ̀nɨ ŋgù̧ní á, kùb a jɨ̀m nyí ɓe lòré dúhɨ́b mɨ̀yú̧ú̧ no; ɓe ɨ́r moò á nyí ɓa fó̧nɨ gómnààb ɓe mvènnɨ́bí tíí, àm ə́ŋne mɨ̀námé móò ru.

Ɓetí Mèsî bɨ kàŋnì ɓe tɨ́kɨ̀nɨ́b kàŋnì kwá go; ŋgáb a ndɨ̀ŋ lìím kàtɨ́b ɓe nɨ́ɨ́b sɨ̀sɨ̀rí, vúm yè tɨ̀ mbáaŋɓwéehá dùgɨ̀ nùb Mèín ya caré du bɨ́ sàmàìn kùb mbáaŋndé ɗàà rɨ kè.

«Jíìb kɨ́ no, cùr vein kíì, mvii kwá nɨ sáíncɨ̀r, ŋgə́ kwá du ndùúŋ; njumi a dù nɨ́ ɓə̀ə̀cɨ̀r. Káŋyerɨ̀b kwá guusówo, ɗà nɨ́ɨ́b ɓɨllɨnne lâs a dù sumkí̧i̧.