Popular Bible Verses from Máàrk 12

Share

Kí á Yésù ya piina ŋgə́ ɨnè: «Ɓíì jíri ndóŋ kɨ́b lâs á rè: ‹Nùb Ísràyéèl, óknáye, Mèín nò du Kéké nɨ́mè ɨ́ du Kéké mwi̧ ndúk. Á ɗúnɨ wu ɗú Kéké nò du Mèín wóò ɓe sum wóò lâs, ɓe mè woò lâs, ɓe kɨ̀cáàb woò lâs, ɓe nyòm woò lâs.› Ɓíì turé kí yáà á rè: ‹Wu a ɗúɓwéhè kùŋ ɓwà woò hȩ wu ɗú síí wu nɨ̀mɨrí.› Ɓíì kù jíri ndóŋ kɨ́b ɗàríì nɨ ɗàà.»

Kí á Yésù tana nɨ̀fuùb noò ɨnè: «Mɨ tanaɓa nyí àmɨɨr wááŋ á: nɨ̀gwi ti mámkwííb lè natɨ́ ndóóŋ nùb lâs, ɓetí nùb kɨ́ tɨ nakom bɨ mwèìn tɨ du ŋgáb nɨ́m kù ə́nnànɨ ɗàwáá á, ɨ́dù kɨ́ ŋgéé, ŋgə́ nakɨ́ɓatɨ́ cáŋhȩ ti tɨ du ŋgéé ŋgáréè lâs.»

Yésù yaá du̧ú̧ Dúú Jíri Mèèín, gín kɨr múbí. Ŋgə́ ɨ́ yà pénɨ hȩ nɨ̀vɨ́tɨ̀b du lèèrénɨ mòné kɨr kɨ́ nokwe. Nùb njɔdìì yaákòm lèènɨ mònɨ̀b kàtɨ́b cei. Á nɨ̀gwi ti mámkwííb kù ndóŋwo, ŋgə́ ɨ́ lèèrê sure cutɨ́b mònéè bɨrɨ́b.

Ɗûú Mèín ɓe njɔ̧̀ lâs, ɓe kɨ̀cáàb lâs, ɓe nyòme lâs, ɓe ɗûú kùŋ ɓwà woò hȩ síí wu nɨ̀mɨrí ndóŋtɨ́ satɨgààb nɨ́m du nànɨ Mèín ɓe yíhèé nyèèmí, dùgɨ̀ kɨ́ nɨ́m du ánɨ nyə̀m mwi̧ bɨ̂ŋ móbnɨ ŋgə́ no rɨ.»

Kí á Yésù tanagi ŋgáb ɨnè: «Àhâ̧, nanáam Sèsáàr nɨ́m ók ɓe ŋgéé, nyí a nàhàcè nɨ́ Mèín nɨ́m ók ɓe Mèèín ye.» Ŋgáb ɨ́ gbɨ̀ɨ̀ŋɓà bɨ́ cei àm pìí nó kíì.