Popular Bible Verses from Mairk 9

Share

Jesus saed, “Whut dae ye main bi ‘If A can’? Oniethin ïs poassible whan a bodie believes!”

An richt awa tha wee lad's faither cryed oot, “Loard, A dae believe, but tak awa tha doots A hae!”

A while latèr, whaniver Jesus wus ïn tha hoose on hïs ain wi hïs follaers, the' axt hïm, “Whut fer cud we no cast tha ïll spïrit oot?” An he saed, “Ye can onlie git rïd o thïs kine bi prayer [an fastin].”

Saut ïs guid, but ïf ït loasses ïts strenth, hoo dae ye mak ït saltie agane? Hae saut ïn yersels, dïnnae loass yer strenth, an leeve at peace wi yin anither.”

“Whaiver walcums yin o these weans ïn ma name, bïds me walcum, an whaiver bïds me walcum, walcums no me alane, but hïm that sent me as weel.”

Whaiver gies ye a bicker o wattèr ïn ma name becas ye belang tae Christ - A tell ye, he'll no be wantin fer a reward, that's fer shair!

But ïf oniebodie leads asthray yin o these weans that believes ïn me, ït wud be bettèr fer hïm ïf he wus throwed ïntae tha sea, wi a mïllstane roon hïs neck!

An ïf yer ee maks ye dae wrang, pu ït oot, fer ït's bettèr tae gae ïntae tha Kïngdom o God half blin, than tae hae twa een an be throwed ïntae hell