Popular Bible Verses from Mairk 6

Share

An whar the' wur at, thair wus that monie cumin an gaun, that the' cudnae even get peace tae hae ocht tae ait. Sae Jesus saed tae thaim, “Cum awa on yer lane tae a quait place, an tak ït aisie fer a bït.”

But Jesus saed tae thaim, “A proaphit's niver weel thocht o ïn hïs hametoon, amang hïs freens or ïn hïs ain hoose.”

An whan Jesus cum tae lan, he fun a hale thrang o fowk fornent hïm; an hïs hairt went oot tae thaim, fer the' wur laik sheep wannèrin wioot a herd tae luk eftèr thaim. An he begun tae lairn thaim monie thïngs.

He cudnae dae onie mïracles thair, apairt frae layin hïs hans on twarthie seeck fowk an makkin thaim bettèr. An he wus tuk bak wi thair want o faith. Then Jesus went roon aa tha vïllages lairnin tha fowk.

An takkin tha five bannocks an tha twa fïsh, he lukt up tae heiven, he blisst an brauk tha bannocks, an he kep giein thaim tae hïs follaers tae han oot tae tha fowk. An he divïd tha twa fïsh amang thaim aa as weel. The' aa et thair fïll, an the' gethert up aa tha wee bïts o breid an fïsh, eneuch tae fïll twal creels.