Popular Bible Verses from ZYAŊ 6

Share

Yeesus à kalìghà ɓɔ lɛ: Mɛ̀ ǹɗì bìrɛs ì cɛɓ, ŋwaànɛ à yùu a lɔ̀ŋkɛm̀ zày, yàa kɔɔdii gɛ ɓi nyi. Ŋwaànɛ à ki gherɛɛ mɛ̀, kìnɔli kaa kitii gɛ ɓi nyi.

Ǹghay wɛɛ̀ fafa cɛɓ, mɛ̀mùù mɛ yin ɗi gɛɓsɛ̀n. Fɔɔnnɛ ɓìɓan ɓi màa kpaa mìni ɓi ri ɓìɓan ɓi Nghay, rì ɓi cɛɓ.

Kɛ̀ ɓi say ɓisuu ɓiɗilàg ɓi ɓi ri lɛ ɓi ɗyoŋ, salina ɓisuu ɓiɗilàg ɓi ɓi ri lɛ ɓi kɔrì à kpaŋ ɓi cɛɓ ki fiɗyàɓ fikɔ̀ɔ̀, ɓyɛɛ̀ ɓi Man à mum à rì mìni ɓiì faà, lɛ nyi nnɛ Bɛ̀ll Seŋi à fogà kìrèmzɛnà ki rilàmì ɗii ɓi nyi.

Lɛ rìkɔ̀n ɗi Seŋi wɛ̀m ɗyɛɛ̀ɗi: Lɛ mum ǹcèm ànɛ à ghɛɛ Man, à ki gherɛn nyi, a ɓa rì cɛɓ ki fiɗyàɓ fikɔ̀ɔ̀, mɛ̀ ǹki ghèmzii gɛ nyi ɓi siitòn a ŋwos.

Yeesus à ɓàg ɓɔ lɛ: Kìsay ki Bɛ̀ll ki ri lɛ, ɓi gherɛn roànɛ Bɛ̀ll à romgày.

Ɓum ɓɛ̀cèm ɓɛ Tààta à faa mɛ̀, ɓɛ ri ɓiì yùu a lɔ̀ŋkɛm̀, nni màa ki kpaŋzi ɓi ŋwaànɛ à yùu yì a lɔ̀ŋkɛm̀ ɓi ɗyɔ̀m.

Simɔn Pyɛɛri à pɛ̀ɛ̀zìghà nyi lɛ: Kan, tì ɓiì kɛ̀ɛ yɛ̀ɛ ghɛn? Ù rì rì ɓìɓan ɓi cɛɓ ki fiɗyàɓ fikɔ̀ɔ̀.

Ǹɗì bìrɛs ì cencem ìnɛ ì sɛngày aɗyòò, ŋwaànɛ à ɗii bìrɛs ìnɛ̀n, à rì ɓiì ghɛɓì fìɗyàɓ fikɔ̀ɔ̀. Bìrɛs ìnɛ m̀ɓiì faà ìnɛ̀n, yɛ̀ɛ ri nyoo yɛ̀m ìnɛ ǹɗì ɓiì faà, lɛ ziinɛ yɛ̀ɛ ɓa rì cɛɓ.

Mum à yin lɛ à yù a lɔ̀ŋkɛm̀ di Tààta ànɛ à romgày mɛ̀ à syòŋiì ɓi nyi, mɛ̀ ǹki ghèmzii gɛ ŋwaànɛ̀n miì ɓi siitòn a ŋwos.

Lɛ bìrɛs ì Bɛ̀ll ì rì bìrɛs ìnɛ ì sɛniì aɗyòò, ì ki fa ziinɛ cɛɓ.

Mɛ̀ yɛɛ ri bìrɛs ì cɛɓ.

Fɔɔnnɛ Yeesus à tekà bìrɛs, à fa Bɛ̀ll ɓìtògsɛ̀n, à kàɓsì yɔ̀ ri ɓumɓɛ ɓɛ ɓaghà wɔɔ ɓɛǹ; fɔɔnnɛ à fatìghà girig ɓɔ ɓìzɛn gàɓ ìnɛ ɓɛ kɔnkɔ̀ngà lɛ ɓɛɛ ɗi. Yɛ̀ɛ ɓumɓɛ̀n ɓɛ wuràkà, nni Yeesus à kpaaghà ɓɛ̀yilàg ɓii lɛ: Taŋ̀zɛɛna ɓìɓɛghà ɓi bìrɛs ɓi ɓi rɔɓtaagh lɛ com kɛ̀ kɛɛ̀ ɗyoŋ.

Yɛ̀ɛ ɓɛ ɓaghà di ɓɛ mɛ fyèè riɓày fɛlɛ yɛ̀ɛ ɓɛ̀kilòmɛɛ̀tɛ̀rɛ̀ ɓɛtaǹ nsoò lɛ taàfog, nni ɓɛ ghɛngày Yeesus di a kɛ̀ɛ̀kɛɛ yi ɓi rìɓày aɗyòò, à yùyùy jàŋbog rì kìkɔm, ìris wu ɓan ɓɔ. Nni Yeesus à kpaaghà ɓɔ lɛ: Mɛ̀ yɛɛ ri, kɛ̀ ɓi risi.