Popular Bible Verses from MATTHIEU 7

Share

«Ɛ̀nɛ̀ ák mɔ, ɓɛɛ Sɔ̧ tɛ ha̧ h’ɛ́nɛ́, ɛ̀nɛ̀ kíí mɔ, ɓɛɛ ɛ́nɛ́ tɛ kpa, ɛ̀nɛ̀ kɔ́n nú tua, ɓɛɛ Sɔ̧ tɛ hu̧i̧ h’ɛ́nɛ́.

Wen nɛ́ wi-ak-mɔ a'i ha̧ mɔ ha̧ a̧, nɛ́ wi-kii-mɔ a̧ kpa mɔ, nɛ́ wi-kɔn-nú tua a'i hu̧i̧ nú tua ha̧ a̧.

«Hégɔ́, kóó o ndé nɛ̀ zia wen n'am tɔ̧'ɛ, kà a̧ kásí, ɓɛɛ a̧ hɔɔ ŋmaa in ŋma wi-iŋ-mgbara-mɔ nɛ̀ mboo tua kɔ‘i zu ta.

«Mɔ lɛŋ n’ɛ̀nɛ́ kɔ̧ɔ̧ ha̧ ŋma bíí mɛ de h’ɛ́nɛ́, ɛ̀nɛ̀ dé kale mɔ‘i ha̧ wa mbɛt. Gba̧a̧ heembea ko Moisɛ in kalata ko o wi-tɔ̧-wen oi nú Sɔ̧ nɛ́ mɔ‘i.»

Ɓɛɛ nɛ́ geɗek nú-garo in be war a̧ mgbɔ wi nɛnɛ tɛ̀ duka-kpasa, ɓɛɛ o wi nɛ̀ ba war'i dɔk na.»

«Ɛ̀nɛ̀ yé nɛ̀ geɗek nú-garo, wen gasa nú-garo in gba-war mgbɔ wi nɛnɛ sitɛ ɗaŋ fara, ɓɛɛ o bíí nɛ̀ dɔka-a bá nɛ́ war'i.

Ɓɛɛ ɛ́nɛ́ o ɗaŋwi nɛ̀ iŋa ha̧a̧ demɔ ha̧ o bem k’ɛ́nɛ́, bó nɛ́ Dáà k’ɛ́nɛ́ nɛ̀ a̧a̧ yiwese tɛ ha̧ demɔ ha̧ o bíí nɛ̀ ak mɔ er-a gan k’ɛ́nɛ́ na nde?

«K’ɛ́nɛ́ ɓa wen in bíí na wen ká Sɔ̧ tɛ̀ɛ́ ɓà wen in'nɛ̀ɛ́, wen a̧ tɛ gɔn kita zu'nɛ́ hee mɔ'ɔ n’ɛ̀nɛ̀ gɔn nɛ̀ kita zu ŋma bíí ga. Nɛ́ kale mɔɔ-we-mɔ n’ɛ̀nɛ̀ we nɛ̀ mɔ ha̧ o ŋma bíí a̧ a̧ tɛ we nɛ̀ mɔ h’ɛ́nɛ́ mbɛt.

Ɓɛɛ kóó o ndé nɛ̀ zia wen n'am tɔ̧'ɛ, kà a̧ kásí na, a̧ hɔɔ ŋmaa in ŋma mgbelewi nɛ̀ mboo tua kɔ‘i zu nyɛmɛ.

Wen ge mɛ́ zɔ́k be gbáá-kan nɛ̀ a̧a̧ yí nya-mɛ, ɓɛɛ mɛ́ zɔ́k kpíŋgíí-te mɛ yí-mɛ́ na ge? Kɔ-mɛ nɛ̀ kpíŋgíí-te a̧a̧ yí-mɛ́'ɛ, héé ge mɛ tɛ tɔ̧ ha̧ nya-mɛ‘e, ha'i ba gbáá-kan yí-a yinɛ ge?

«Ɛ̀nɛ̀ zɔ́k tɛ‘nɛ nɛ̀ o wi-tɔ̧-wen oi nú Sɔ̧ ndela nɛ̀ tɛ́ tɛ‘nɛ hee o sami ga, ɓɛɛ nɛ̀ kɔ̧ see-wa, wa nɛ́ o ŋga ɓoŋgo. Ɛ́nɛ́ tɛ iŋ wa tɛ tom kɔ-wa. Wi ɓi so waya-nyak-dɔ̧ɔ̧ ɓii tɛ mgboi-gata, kóó mbɔra tɛ naakɔɓa nde?

De te lɛŋ wai nɛ́ de waya-a, ɓɛɛ ɗaŋ te wai nɛ́ ɗaŋ waya-a.

De te beka wai ɗaŋ waya-a na, ɓɛɛ ɗaŋ te beka wai de waya-a na mbɛt.

Te lɛŋ nɛ̀ wai de waya-a na, wi tɛ gɔm a̧ pi̧ tɛ wee.