Popular Bible Verses from KU̧U̧NAŊMƆ 37

Share

Jozɛf ɔɔ zu, ɓɛɛ a̧ ba zu'i tɔ̧ ha̧ o zɔmwi kɔ̧-a̧, ɓɛɛ wa sɛn a̧ siti woyo.

Jakob kɔ̧ɔ̧ so Jozɛf gan o dɔka bem kɔ̧-a̧ lɛŋ, wen Jozɛf duka nɛ́ bem n'aa kòó zaŋ sɔki kɔ̧-a̧. A̧ fura ŋunyuŋ gasa laa ha̧ Jozɛf.

O zɔmwi kɔ̧-a̧ zɔka'e dáà kɔ-wa kɔ̧ɔ̧ nɛ́ Jozɛf gan wi lɛŋ; nɛ́ hegɔ a̧ wa sɛna nɛ̀ Jozɛf pi̧ er tɛ wee, ɓɛɛ wa tɔ̧ de ger wen in a̧ ɓɔna.

Siti woyo, a̧ ɔɔ ŋma mbe zu, ɓɛɛ a̧ ba tɔ̧ ha̧ o zɔmwi kɔ̧-a̧: «Mi ɔɔ zu woyo'e, wese in nyaŋa-zɛ gu nɛ o sɔra ɓu-zua-kpɔk guu nù sɛn ti'm.»

See o zɔmwi kɔ̧-a̧ lɛŋ nyima zu a̧, ɓɛɛ dáà kɔ̧-a̧ kasi mɔ‘i e kɔ̧ see.

A̧ tɔ̧ɔ̧ ha̧ wa: «Ɛ̀nɛ̀ zíí ŋma zu n'am ɔa: Ɛ́ɛ́ yaa so sik nɛ̀ alkamaari, ɓɛɛ nɛ́ mɔ'ɔ nɛ̀ sika alkamaari kɔ‘m kura yor ŋgɔn, ɓɛɛ o sika-a k’ɛ́nɛ́ mɔi̧ ŋmaa zik sika-a kɔ‘m e see-a, ɓɛɛ wa gu nù ti sika kɔ‘m'i.»

Ɛ̀ɛ̀ gbɛ́ a̧ ŋgaɓo, ɓɛɛ ɛ̀ɛ̀ bá wɔr-aa pi̧ kɔ̧ ɗuka kɔ̧, ɓɛɛ ɛ̀ɛ̀ tɔ̧́‘e, nɛ́ ŋma boko-nam a̧ gbɛɛ a̧, h’ɛ́ɛ́ zɔk ndaa ɔɔ-zu kɔ̧-a̧‘i.»

Ŋgimbi nɛ̀ o wi-ɗɔr-mɔ, o be Madiaŋ ɓira mɛ yak, o zɔmwi ko Jozɛf daka a̧ gbonɛ nɛ̀ kɔ̧́ kɔ̧‘i, ɓɛɛ wa ɗɔr a̧ ha̧ o be Ismaɛl tɛ kɔya sede ɓu yiitoo, ɓɛɛ o wi nɔ‘i ba kɔ‘i Jozɛf yaknɛ si Egiptɛ.

Wa tɔ̧ɔ̧ nɛ nú ŋmaa: «Ɛ̀nɛ̀ zɔ́k yaa-ɔ-zu a̧ tɛ‘i!

Wa zɔka a̧ fara tɛa-a nɛ nyɛi̧a-a, ɓɛɛ nɛti ha̧ a̧ mɛ hɔ, wa ee nú mɛ gbɛ a̧.

K’ɛ́nɛ́ de ha̧ tɔk mɛ a nù na! Ɛ̀nɛ̀ bá a̧ pi̧ sɛn kɔ̧ ŋma ɗuka kɔ̧ ŋga-gbárà, ɓɛɛ k’ɛ́nɛ́ de ŋma ŋgamɔ in a̧ na.» Taamɔ ko Rubɛn duka so wen gboo a̧ yinɛ er-wa, ha̧ a̧ mɛ si tɛ dáà kɔ̧-a̧.