Popular Bible Verses from 1 WANNU 19

Share

Ɗoŋ naka nù, nɛ́ wee. GASA WAN bo so yí wee'i na. Ɗoŋ wee, nɛ́ giti ga̧a̧ búk a̧ yua.

A̧ nɛ̀ tɛ-a yaka si ŋga-gbárà; a̧ nɛɛ nɔ̀ zɛ kpɔk. N'aa hɔɔ ŋga-gbárà, a̧ duka nù ɗɔɔ gi̧ɔ̧ ŋma te. A̧ kɔfa sɔ̧, ɓɛɛ a̧ tɔ̧: «Gana'm kaɗi! Kinii, GASA WAN, ɛ̀nɛ̀ bá‘m, wen mi gan o dáà kɔ‘m na.»

GASA WAN tɔ̧a̧: «Mɛ̀ gbó a̧ mɛ̀ yór zu kaya ti GASA WAN; zɔ́k, GASA WAN tɛ ɓir yak.» Ŋma ŋga búk duka ti GASA WAN sakari nɛ̀ o kaya, mbaŋ nɛ o ta. GASA WAN bo so kɔ‘i zaŋ buk'i na.

Ɓɛɛ tɛ zia giti ga̧a̧ búk'i, Elii kpee yí nɛ̀ gba-laa kɔ‘i. A̧ gboo yor nú di̧i̧, ɓɛɛ ŋma tiger bíí tɔ̧ ha̧ a̧: «Elii, wen ge mɛ a̧a̧ hɛ̧ɛ̧ ge?»

A̧ hɔɔ nú di̧i̧, ye kɔ̧ a̧ ɓɛɛ ɔ nù. GASA WAN tɔ̧ɔ̧ ha̧ a̧: «Elii, wen ge mɛ a̧a̧ hɛ̧ɛ̧ ge?»

Elii kura ŋgɔn, nyɔŋ mɔ, ɓɛɛ nɔ yì. Ɗoŋ n'aa kpaa ŋgai tɛ nyɔŋmɔ‘i kaɗi, a̧ nɛ̀ɛ́ nɔ̀ zɛ ɓu-naar hegɔ hɔ zu kaya ko Sɔ̧ sɛn Hɔrɛb mɛ.

A̧ ɔɔ nù, ɓɛɛ a̧ ɔ ya ɗɔɔ gi̧ɔ̧ te'i. Ŋma betom ko Sɔ̧ tama a̧, ɓɛɛ tɔ̧ ha̧ a̧: «Mɛ̀ kúr, mɛ̀ nyɔ́ŋ mɔ!»

Betom ko GASA WAN pia ɗoŋ woyo, tam a̧ ɓɛɛ tɔ̧: «Mɛ̀ kúr, mɛ̀ nyɔ́ŋ mɔ, kà bo hegɔ na, nyɛi̧a nɔ̀ tɛ gan mɛ.»

A̧ kifa nú: «Nɛ́ wɔ GASA WAN Sɔ̧ nɛ̀ a̧a̧ nɛ̀ ŋgayamɔ lɛŋ a̧ gbɛ‘m. O be Israɛl ee nɔɔ-tɔk k’ɛ́nɛ́ duk. Wa gbina o fara-ɗafi'nɛ, ɓɛɛ wa gbɛ o wi-tɔ̧-wen oi nú‘nɛ́ nɛ̀ gba-paa. Oi wi nɛ̀ ɓɔna kànà nɛ‘m ɓɛɛ, ɓɛɛ wa kii nɛ‘m mɛ gbɛ.»

A̧ zɔka mɔ, ɓɛɛ a̧ zɔk ŋma makala nɛ‘i dɔɔ zu wee-ta in dak yì katɛ a̧. A̧ nyɔŋa makala'i, nɔ yì, ɓɛɛ a̧ ɔ nù woyo.

Jezabɛl toma ŋma betom ha̧ Elii mɛ tɔ̧ ha̧ a̧ ndé: «O sɔ̧ a̧ dé ŋgamɔ in am mɛ sa̧a̧mɔ tɛ kale ŋgimbi’ɛ, kà‘m nɛ́ dee mɔ in mɛɛ hee mɔ'ɔ nɛ̀ mɛ dee nɛnɛ in o wi-tɔ̧-wen oi nú sɔ̧ nɔ‘i ga na.»

ɓɛɛ mi tɛ e oi bíí booro-mɔɔrɔ-ɗoŋ-yiitoo sɛn Israɛl: mɛ̀ nɛ́ o wi nɛ gbɛ zugur nù ti Bal in nɛ dui nú-a na.»

Elii yaka hi̧i̧, ɓɛɛ nɛ́ɛ̀ kpa Elisee bem ko Safat fara waa fɔ. O ndai ɓu-yiitoo-zua-yiitoo wa nɛ mɔ ti a̧, ɓɛɛ a̧ wa nɛ mɔ nɛ̀ ŋma yiitoo. Elii ɓira nɛ̀ katɛ a̧, ɓɛɛ pi̧ gba-laa kɔ‘i tɛ-a.

Elisee ee nɛ́ɛ́ ɗoŋ-aa duk, ɓɛɛ si ɗoŋ kai ndai yiitoo ɗafi nɛ̀ sɔ̧. A̧ kaia o te-hɛr-ndai gi nɛ̀ kpoo-aa, ɓɛɛ a̧ ha̧ ha̧ o nam kɔ̧-a̧ mɛ nyɔŋ. A̧ kura nɛ̀ ɗoŋ Elii, ɓɛɛ a̧ de tom ha̧ a̧.

Elisee ee o ndai duk, ma yì si ɗoŋ Elii, ɓɛɛ tɔ̧: «Ɛ̀nɛ̀ é war ha̧‘m nɛ́ɛ̀ war nàà kɔ‘m in dáà kɔ‘m sɛka'm ndaka pata'nɛ́.» Elii tɔ̧ɔ̧ ha̧ a̧: «Mɛ̀ sí ɗoŋ! Nɛ́ ge a̧‘m dee in mɛɛ ge?»