Popular Bible Verses from Mako 9

Share

Jesu kati kunli, “Ukati, ha mutubula? Zwithu zose zotubuka mu nthu unogalamoyo.”

Ipapo tate be mbisana bakalebeleka bakati, “Ndogalamoyo, ngono bhatshani kusagalamoyo kwangu.”

Jesu kangina mu ng'umba, ngono badiyiwa babe bakambhuzwa bali boga beti, “Ini iswi takong'wa kudusa meya iyeyi?” Ngono kati, “Inonga iyeyi inodusiwa koga nge ntembezelo.”

“Mwenyu wakalulwama, koga ha washuluka, ungathamwa tjini kuti ube ne njo kakale kene? “Ibeni ne mwenyu, mube ne mbakiso pakati kwenyu.”

“Iye unoamutjila mwana unonga iwoyu nge zina langu, unoamutjila imi, ngono na iye unoamutjila imi, aatoamutjila imi koga, ngono unoamutjila iye wakandituma.”

Ndolebesa ndoti kumuli, iye unomupa nkombe we vula kuti mung'we, ngobe mudang'wa nge zina la Kirisiti, aangalashikigwe nge mbhayilo uwe.

“Koga iye unothama mmwe wa ibaba batukununu banogalamoyo mundili kuti bathame tjibi, koyita ha angasungiligwa gwiyo gulu mu ntshibha kalashigwa mu gungwa.

Kakale ha zhisho lilo likuyita kuti utjinye, ulikonyombole uliduse, ngobe koyita ha ungangina mu bushe gwe Ndzimu una zhisho ling'ompela, pana kuti ube ne mesho mabili ulashigwe mu moto usingadzime.