Popular Bible Verses from Jakubo 1

Share

Zwikamu zwangu, shathani ha muzwiwana muli mu ndiko dzakasiyana. Ngobe moziba kuti kulikiwa kwe bugalimoyo gwenyu kozhisa kudzikitadza.

Ha mmwe wenyu eshaka butjenjedu gwe kudzimu, ngaakumbile ku Ndzimu, ngobe unopa mmwe ne mmwe nge sununguko usingakayikanye.

Bhatani matama iyawa zwikamu zwinodika. Muzwidiye kuhwilila musingatjimbidzile kulebeleka kene kugwadzamoyo.

Muletje kudzikitadza ikoku kuwidze nshingo nge buzhalo.

Koga shingani tjinolebgwa nge dama, musingazwitjengedze nge kuhwilila koga.

Wakakombolegwa nthu unodzikitadza mu ndiko, nge kuti ha alikiwa kakunda, mbhayilo uwe unowobe butjilo gusingapele, Ndzimu gwawakagadzabgwe banouda.

Tjipo tjimwe ne tjimwe tjibuyanana, tjakanaka, tjodwa pezhugwi, kuna ibo Tate be tjedza tje nyenyedzi ne mwedzi ibo basingashanduke se mitutshi.

Ngobe ha kuna unohwilila dama, koga asingashinge tjalinoleba, unonga nthu unolinga tjiso tjitje mu iponi, nge kuti unozwibona, ngono kayendazwe kati tjinyolotjo kakangang'wa kuti wazwibona akatini.

Kunamata kwakalulwama kusina shambgwa mu mesho e Ndzimu, kakale bali Tate, ndi woku: kubhatsha siyang'wa ne tjilikadzi mu kuhwa zogwadza kwabo nenge kugala kuzhe kwe shambgwa ye shango.

Kushete unoti ha elikwa kati, “Ndolikwa nge Ndzimu.” Ngobe Ndzimu aungalikwe nge bubi naiwo awuna nthu waunolika. Koga nthu mmwe ne mmwe unolikiwa ha eteyiwa kakale ewongiwa nge njemulo dzidze dzakabipa.

Ikamu tjisina tjatjo ngatjishathile kuti Ndzimu watjikudza.